آپ کی نجات نزدیک ہے۔

آج اور کل میں آپ کو دعوت دیتا ہوں کہ ایک ایسی جگہ میں اتر جائیں جہاں جانا ہمیں عموماً پسند نہیں ہوتا۔یعنی ہمارے دکھ کی سرزمین۔ ہمارے زخموں کا علاقہ۔

زندگی ہمیشہ ہماری توقع کے مطابق نہیں چلتی۔ایک فون کال۔ایک بری خبر۔ایک جدائی۔ایک المناک حادثہ۔اور زندگی یکدم بدل جاتی ہے۔کرب اور درد ہماری خوشی اور ہمارے اطمینان کی جگہ لے لیتے ہیں۔

کیا آپ نے بھی میری طرح کبھی اپنے دل میں یہ سوالات پوچھے ہیں۔

• ان وقتوں میں خدا کہاں ہے۔• کیا وہ دیکھتا ہے کہ میں کس حال سے گزر رہا ہوں۔• کیا وہ جانتا ہے کہ میں کیا برداشت کر رہا ہوں۔• وہ مدد کرنے میں کس بات کا انتظار کر رہا ہے۔• اُس نے مجھے کیوں چھوڑ دیا ہے۔

دو ہزار برس سے زیادہ پہلے اسی دن یسوع نے مصلوب ہونے کے وقت خود تنہائی اور شدید کرب کو محسوس کیا۔کیا آپ کو اُس کے الفاظ یاد ہیں۔اے میرے خدا اے میرے خدا تو نے مجھے کیوں چھوڑ دیا۔یہ بات متی 27 :46. میں لکھی ہے۔

لیکن شدید کرب کے عروج پر بھی خدا آپ کے قریب رہتا ہے۔وہ آپ کی حالت کو دیکھتا ہے۔وہ آپ کے درد کو جانتا ہے۔اور آج وہ آپ کو دوبارہ یہ یقین دلاتا ہے کہ جب آپ اُسے پکاریں گے تو وہ آپ کو جواب دے گا۔وہ مصیبت میں آپ کے ساتھ ہوگا۔وہ آپ کو چھڑائے گا اور آپ کو عزت بخشے گا۔یہ وعدہ زبور 91 :15.میں لکھا ہے۔

نہیں وہ آپ سے دور نہیں بھاگتا۔ نہیں وہ آپ کو ترک نہیں کرتا اور نہ ہی یہ کہتا ہے کہ یہ وقت گزر جائے۔ خدا آپ کے ساتھ ہے اور آپ اپنی آزمائشوں کا سامنا اُس کی حضوری میں کرتے ہیں۔ اور ہمیشہ کی طرح جب وہ آپ کی حوصلہ افزائی کرتا ہے تو وہ ایک وعدہ کے ساتھ بات کو مکمل کرتا ہے۔ ذرا پچھلے دنوں کو یاد کیجیے۔ میراث۔ خدا کی دولت۔ اُس کے تخت تک رسائی۔ اور آج نجات۔

آپ اکیلے نہیں ہیں اور آپ پر یہ لازم نہیں کہ اس کرب کو اکیلے اٹھائیں۔ خداوند آپ کو پوری طرح سمجھتا ہے۔ کیا وہ خود گلگتھا پر سب سے شدید دکھ اور اذیت سے نہیں گزرا تھا۔

خدا آپ کی فریاد سنتا ہے اور آپ کو سنبھالے رکھتا ہے۔ اُس کے کان آپ کی پکار سننے سے بہرے نہیں ہوئے۔ نگاہ اُوپر اٹھائیں اور یہ تصور کریں کہ وہ آسمان میں پس پردہ کام کر رہا ہے اور فرشتوں کے ساتھ اپنی مرضی پوری کر رہا ہے۔ آج ایمان رکھیں کہ نجات کا وقت بغیر تاخیر کے ظاہر ہوگا اور بہتر دن پھر لوٹ آئیں گے۔

ہاں آپ کی نجات نزدیک ہے۔ مضبوطی سے تھامے رکھیں۔ کبھی نہ بھولیں کہ خدا ہمیشہ اپنے وعدوں کو پورا کرتا ہے۔ آئیں مل کر اعلان کریں کہ یہ دن اُس میں آپ کی فتح کا دن ہے۔

آپ ایک معجزہ ہیں

ایرک