آ ج کا معجزہ

آ ج کا معجزہ فیس بک میسنجر پر بھی دستیاب ہے۔ سائن اپ کریں تاکہ ہر دن آپ کے میسنجر ان باکس میں ایک معجزہ موصول ہو۔

میں لوگوں کی  زندگی   میں اُمید لانا چاہتی ہوں!
میں نے یہ جملہ اپنی ڈائری میں اس وقت لکھا تھا جب میں صرف گیارہ سال کی تھی ۔ تاہم، اُس وقت، مجھے نہیں لگتاتھا کہ میں نے محسوس کیا کہ مجھے خود مشکل حالات سے گزرنا پڑے گا تاکہ میں اس قوت کو سمجھ سکوں جو امید اور ایمان لاتے ہیں۔
تیرہ سے بیس سال کی عمر تک، میں نے ایٹنگ ڈس آرڈر(کھانے کی بیماری ) کا مقابلہ کیا اگر یہ میرے والدین کی دعا کی طاقت نہ ہوتی تو میں اپنی جان گنوادیتی —! بیس سال کی عمر میں، مجھے جنسی زیادتی کا سامنا کرنا پڑا — بعد میں میری زندگی میں، شدید جذباتی زیادتی بھی ہو ئی۔ اکیس سال کی عمر میں، میں اپنے جسم میں خون کی رسولی کی وجہ سے ہونے والے منفی اثرات سے تقریباً مر نے کے قریب تھی ۔ تیس سال کی عمر میں، میں فجی میں  اغوا ہو نے سے بال بال بچ گئی ، اور پھر چونتیس سال کی عمر میں، میں ایک انتہائی شدید ڈپریشن میں مبتلا ہو گئی جس کی وجہ سے اپنی جان لینا چاہتی تھی ۔
یہ ہے میری زندگی کی کہانی ۔
اور یہی وجہ ہے کہ میں جانتی ہوں آپ کا ماضی کبھی بھی آپ کے مستقبل کا فیصلہ نہیں کرتا ! دوسرے لفظوں میں، اگرچہ یہ سب کچھ میرے ساتھ پیش آیا، لیکن ان باتوں نے میری شناخت مسیح میں تبدیل نہ کی، نہ ہی اس بات کو روکا کہ خدا کیسے ان حالات کو اپنے جلال کے لیے استعمال کرے گا۔خدا نے کبھی مجھےاکیلا نہیں چھوڑا ۔
آج میں یہ سمجھتی ہوں کہ میری زندگی کے ہر لمحے — چاہے وہ کتنا ہی تکلیف دہ کیوں نہ ہو — لیکن اس حقیقت کو ثابت کیا کہ ہر زخم میں ایک معجزہ چھپا ہوتا ہے۔
میں نے مایوسی کے ہر لمحے میں امید کا تجربہ کیا!
ہاں، میں نہ صرف آزاد ہوئی بلکہ پہلے سے کہیں زیادہ مضبوط اور خوش بھی ہو گئی۔پچھلے پندرہ سالوں سے زیادہ عرصے سے، مجھے یہ موقع ملا ہے کہ میں ایک گلوکارہ، ورشپ لیڈر ، گیتوں کی لکھاری ، مصنفہ، اور ایٹنگ ڈس آرڈر(کھانے کی بیماری ) میں مبتلا خواتین کے لیے قائم کردہ ایک ادارے کی کو فاونڈر( شریک بانی) کی حیثیت سے مختلف ملکوں کا سفر کروں — اور لوگوں کے ساتھ یہ گواہی بانٹوں کہ یسوع نے میری زندگی کو ہمیشہ کے لیے کیسے بدل دیا!
اور اب مجھے خوشی ہے کہ آج کا معجزہ کے ذریعے میں یہی اُمید آپ تک بھی پہنچا سکتی ہوں!
میری دعا ہے کہ یہ پیغامات آپ کے دل میں وہ اُمید بھر دیں جس کی آپ کو ضرورت ہے — تاکہ آپ یسوع کے ساتھ زندگی کے ہر وقت اور ہر قدم پر اعتماد سے چل سکیں۔

"آ ج کا معجزہ" مختلف زبانوں میں دستیاب ہے۔ نیچے دیے گئے بٹن پر کلک کریں تاکہ زبانوں کی فہرست دیکھ سکیں اور اپنی پسندیدہ زبان میں "آ ج کا معجزہ" کے لیے سائن اپ کریں۔