اپنا وقت محفوظ رکھیں

آپ سب سے زیادہ وقت کس چیز میں ضائع کرتے ہیں۔

حال ہی میں جب میں ایک ہفتہ  بیمار تھی تو میں نے محسوس کیا کہ میں خود بخود ٹک ٹاک پر زیادہ وقت گزارنے لگی۔ وہاں کی ہر چیز بری نہیں ہوتی۔ مجھے خاص طور پر مزاحیہ لوگوں کو فالو کرنا اچھا لگتا ہے۔ کیونکہ ہنسنا کس کو پسند نہیں ہوتا۔

لیکن یہ ایک ایسی عادت ہے جو بہت تیزی سے وقت کھا جاتی ہے۔ صحت یاب ہونے کے بعد بھی میں اکثر سوچتی تھی کہ کام کے درمیان بس ایک چھوٹی سی ویڈیو دیکھ لوں۔ اور یوں میں ایک گھنٹے کے لیے دوبارہ انٹرنیٹ میں گم ہو جاتی تھی۔

ممکن ہے آپ کی زندگی میں کوئی اور بات ہو جو حد سے زیادہ جگہ اور وقت گھیرے ہوئے ہو۔ وہ بات اصل میں کیا ہے۔

آپ صرف زندہ رہنا نہیں چاہتے بلکہ فراوانی کی زندگی چاہتے ہیں۔ خدا چاہتا ہے کہ آپ کی زندگی میں ایک عظیم کام کرے۔ لیکن اگر ہم اُس کی راہنمائی کے مطابق نہ چلیں تو ہم آسانی سے اُس کام کو نظر انداز کر سکتے ہیں۔

جب مجھے اس کا احساس ہوا تو میں واقعی چونک گئی۔ سونے سے ذرا پہلے ایک مختصر ویڈیو اور پلک جھپکتے ہی نیند کا ایک گھنٹہ ضائع ہو جاتا تھا جو بے معنی چیزوں میں صرف ہوا۔ اور جب اگلی صبح میں خود سے سوال کرتی کہ کیا تمہیں کوئی ویڈیو یاد بھی ہے۔ اس میں سے تم نے اپنی زندگی کے لیے کیا بھلائی پائی۔ تو جواب یہی ہوتا تھا کہ نہیں۔ کچھ بھی نہیں۔

مَیں تُم سے سچ کہتا ہُوں کہ جو مُجھ پر اِیمان رکھتا ہے یہ کام جو مَیں کرتا ہُوں وہ بھی کرے گا بلکہ اِن سے بھی بڑے کام کرے گا کیونکہ مَیں باپ کے پاس جاتا ہُوں۔ 'یوحنا 14:12.

اگر آپ وقت ضائع کرنے والی باتوں اور بے مقصد مشغلوں کے آگے جھک جائیں تو ہم اس حیرت انگیز موقع کو آسانی سے کھو سکتے ہیں۔آپ کی زندگی میں بے معنویت اس غلط خیال سے بھی پیدا ہو سکتی ہے کہ خدا کبھی آپ کو مقصود نہیں ٹھہرا سکتا۔لیکن حقیقت یہی ہے کہ وہ آپ ہی کو مقصود ٹھہراتا ہے۔

'دیکھ مَیں دروازہ پر کھڑا ہُؤا کھٹکھٹاتا ہُوں۔ اگر کوئی میری آواز سُن کر دروازہ کھولے گا تو مَیں اُس کے پاس اندر جا کر اُس کے ساتھ کھانا کھاؤں گا اور وہ میرے ساتھ۔ 'مکاشفہ 3: 20.

خدا کے کلام میں جو کچھ آپ پڑھتے ہیں اُس پر ایمان رکھیں اور آپ اُس قدرت کا تجربہ کریں گے جو ممکن ہے۔

آپ اپنی زندگی میں کیا درست کریں گے تاکہ خدا کے امکانات سے محروم نہ رہیں۔

آپ ایک معجزہ ہیں۔

ڈیبورا