جذبات ہمیشہ سچ نہیں بتاتے۔

 کبھی کبھی ہم اپنے اندر روح القدس کی حضوری پر شک کرنے لگتے ہیں۔ ہم سوچتے ہیں کہ وہ ہمیں چھوڑ چکا ہے جب۔

ہم تھکے ہوئے ہوں۔ہم ڈرے ہوئے ہوں۔ہم فیصلوں میں الجھن کا شکار ہوں۔ہمیں لگے کہ ہم نے خدا کو غمگین کیا ہے۔

کیا آپ سمجھتے ہیں کہ خدا کبھی غائب ہو جاتا ہے اور پھر اچانک واپس آ جاتا ہے۔

میں آپ کو تسلی دینا چاہتی ہوں۔ ایسا ہرگز نہیں۔ صرف اس لئے کہ آپ خدا کی حضوری کو محسوس نہیں کر پا رہے اس کا یہ مطلب نہیں کہ وہ موجود نہیں۔

احساس حقیقت نہیں ہوتا۔ احساس ہمیشہ سچ کے مطابق نہیں ہوتا۔ جذبات دھوکا دے سکتے ہیں۔

مختصر یہ کہ جو کچھ ہم محسوس کرتے ہیں وہ کبھی کبھی حقیقت کی غلط تصویر ہوتی ہے۔

سمتھ وِگلزورتھ نے ایک بار یہ بات کہی۔ میں اس سے متاثر نہیں ہوتا جو میں دیکھتا ہوں۔ میں اس سے متاثر نہیں ہوتا جو میں محسوس کرتا ہوں۔ میں صرف اس سے متاثر ہوتا ہوں جس پر میں ایمان رکھتا ہوں۔

اور یہی بات رسول پولس کے ایمان کی بھی تھی'1 کرنتھیوں 3.16. میں جب اُس نے یہ سوال کیا۔'کیا تُم نہیں جانتے کہ تُم خُدا کا مَقدِس ہو اَور خُدا کا رُوح تُم میں بسا ہُؤا ہے؟ 

اس کا مطلب یہ ہے کہ وہ ہمیشہ آپ میں رہتا ہے۔ دن کے ہر لمحے خدا کا روح آپ کے اندر موجود ہے۔ جب آپ جاگتے ہیں تو وہ پہلے ہی وہاں ہوتا ہے۔ جب آپ سوتے ہیں تو وہ آپ کو چھوڑتا نہیں۔ اس کی حضوری آپ کے ساتھ بھی ہے اور آپ کے اندر بھی۔ وہ کہیں جاتی نہیں۔ وہ آپ میں قائم رہتی ہے ہر وقت۔

میں آپ کو دعوت دیتی ہوں کہ ایمان کے ساتھ یہ یقین رکھیں کہ خدا کا روح ہمیشہ آپ میں بستا ہے۔ اس نے آپ کو اپنی رہائش گاہ بنایا ہے۔ اپنا مقدس گھر۔ وہ آپ کو کبھی نہیں چھوڑے گا۔

آئیں چند لمحے لے کر مل کر دعا کریں۔اے باپ تیرا شکر ہے کہ تو نے مجھے یاد دلایا کہ تو اپنے روح کے وسیلے مجھ میں رہتا ہے۔ اور تو نے مجھے روح القدس کا مقدس گھر بنایا ہے۔ ایمان کے ساتھ میں یقین کرتا ہوں کہ تو ہمیشہ میرے ساتھ ہے۔ جاگنے سے لے کر سونے تک۔ ایمان کے ساتھ میں یقین کرتا ہوں کہ تو مجھے جانتا ہے اور ہر دن میری مدد کرتا ہے۔ یسوع کے نام میں۔ آمین۔

آپ ایک معجزہ ہیں

ایرک ۔