جب آپ کے دل کو الفاظ نہ ملیں۔

اگر آپ ابھی سر ہلا رہے ہیں تو فکر نہ کریں کیونکہ یہ بات آپ پر بھی لاگو ہوتی ہے۔اس کا یہ مطلب ہرگز نہیں کہ آپ کمزور مسیحی ہیں۔درحقیقت کبھی کبھار دُعا میں مشکل محسوس کرنا بالکل معمول کی بات ہے۔

'اِسی طرح رُوح بھی ہماری کمزوری میں مدد کرتا ہے کیونکہ جِس طَور سے ہم کو دُعا کرنا چاہِئے ہم نہیں جانتے مگر رُوح خُود اَیسی آہیں بھر بھر کر ہماری شِفاعت کرتا ہے جِن کا بیان نہیں ہو سکتا۔ 'رومیوں 8. 26.

یہ بات بائبل میں بھی لکھی ہوئی ہے۔اس لیے آج خود کو ملامت کرنے کی ضرورت نہیں اگر آپ نے بائبل تو کھولی ہو مگر الفاظ آپ کے منہ سے نہ نکل پا رہے ہوں۔یا شاید آپ نے خُدا کی حضوری کو تلاش کرنے کے لیے ایک لمحہ بھی نہ لیا ہو حالانکہ آپ کا دل بھرا ہوا ہے۔حالانکہ خُدا سے کہنے کے لیے بہت کچھ ہے۔مانگنے کے لیے بہت کچھ ہے۔

آرام کریں۔خود کو ہلکا رکھیں۔دیکھیں کہ خُدا کا کلام آج آپ کی کس طرح حوصلہ افزائی کرنا چاہتا ہے۔

'اِسی طرح رُوح بھی ہماری کمزوری میں مدد کرتا ہے کیونکہ جِس طَور سے ہم کو دُعا کرنا چاہِئے ہم نہیں جانتے مگر رُوح خُود اَیسی آہیں بھر بھر کر ہماری شِفاعت کرتا ہے جِن کا بیان نہیں ہو سکتا۔ اور دِلوں کا پرکھنے والا جانتا ہے کہ رُوح کی کیا نِیّت ہے کیونکہ وہ خُدا کی مرضی کے مُوافِق مُقدّسوں کی شِفاعت کرتا ہے۔ اور ہم کو معلُوم ہے کہ سب چِیزیں مِل کر خُدا سے مُحبّت رکھنے والوں کے لِئے بھلائی پَیدا کرتی ہیں یعنی اُن کے لِئے جو خُدا کے اِرادہ کے مُوافِق بُلائے گئے۔ 'رومیوں 8. 26-28.

آج بس خُدا کے حضور آ جائیں چاہے آپ کو الفاظ نہ مل رہے ہوں آپ بغیر الفاظ کے بھی اُس کے پاس آ سکتے ہیں۔اور اُس کے پاک روح کی قدرت کا تجربہ کر سکتے ہیں۔

آج شعوری طور پر خُدا کے ساتھ ٹھہر جائیں چاہے آپ کا دل الفاظ نہ ڈھونڈ پا رہا ہو۔

اور آج میں آپ پر برکت کا اعلان کرتی ہوں۔خُدا کا اطمینان آپ کے دل کو بھر دے۔

آپ ایک معجزہ ہیں۔

ڈیبورا