اب مزید خوف زدہ نہ ہوں

 آپ کو کس بات سے ڈر محسوس ہوتا ہے۔ کیا اس سے کہ کوئی زندگی میں آپ سے آگے بڑھ چکا ہے۔ کیا اس سے کہ کوئی آپ سے زیادہ کماتا ہے۔ کیا اس سے کہ کسی کے بچے ہیں اور آپ کو یہ نعمت نہ مل سکی۔

مجھے کلام مقدس کے داؤد سے محبت ہے اور اس بات سے بھی کہ جب وہ دیو کے روبرو آتا ہے تو وہ کہتا ہے۔

اُس شخص کے سبب سے کِسی کا دِل نہ گھبرائے۔ تیرا خادِم جا کر اُس فِلستی سے لڑے گا۔ '  1 سموئیل 17 .32. 

وہ اس طرح جواب کیسے دے سکا۔ اُس وقت داؤد محض ایک چرواہا تھا۔ اُس کے بھائی جنگ میں تھے اور جاتی جولیت کے مقابلہ میں اگلی صفوں میں کھڑے تھے۔ اور داؤد کو صرف اس لیے بھیجا گیا تھا کہ وہ اپنے بھائیوں کے لیے کچھ کھانا لے آئے۔

پھر اُس میں اتنا اعتماد کیوں تھا۔

داؤد کو وہ بات یاد تھی جو وہ ابھی ابھی خدا کے ساتھ تجربہ کر چکا تھا۔ کیونکہ سموئیل نے اُسے اسرائیل کا آنے والا بادشاہ ہونے کے لیے مسح کیا تھا۔ اُسے پہچانا گیا تھا اگرچہ یہ بات بادشاہ ساول سے چھپانے کی کوشش کی گئی۔ حتیٰ کہ سموئیل بھی جو اگلے بادشاہ کو مسح کرنے آیا تھا یہ توقع نہیں رکھتا تھا کہ خدا ایک کم عمر چرواہے کو چُن لے گا۔

سب کا خیال تھا کہ داؤد کا بڑا بھائی ایلیاب ہی منتخب ہوگا۔ مگر خدا نے کن الفاظ میں سموئیل کو بتایا کہ اُس کے منصوبے کچھ اور ہیں۔

'پر خُداوند نے سموئیل سے کہا کہ تُو اُس کے چِہرہ اور اُس کے قد کی بُلندی کو نہ دیکھ اِس لِئے کہ مَیں نے اُسے ناپسند کِیا ہے کیونکہ خُداوند اِنسان کی مانِند نظر نہیں کرتا اِس لِئے کہ اِنسان ظاہِری صُورت کو دیکھتا ہے پر خُداوند دِل پر نظر کرتا ہے۔ 1 سموئیل 16.7.

داؤد نے یہ سبق اب بھی اپنے دل میں سنبھال رکھا تھا۔ اور اسی سچائی کے ساتھ وہ اُس دیو کے سامنے کھڑا ہو سکا جو اُسے آسانی سے خوف زدہ کر سکتا تھا۔ مگر اُس نے دل میں یہ ٹھان لی کہ وہ نہ اُس کی صورت سے مرعوب ہوگا اور نہ اُس کے قد کاٹھ سے。

 جب آپ خود کو کمزور کم اہم یا دوسروں سے کم مؤثر محسوس کریں تو آج آپ بھی اس سچائی کو یاد رکھیں۔ اور یہ فیصلہ کریں کہ اب آپ کو کسی سے مرعوب ہونے یا خود کو کمتر سمجھنے یا خوف زدہ ہونے کی ضرورت نہیں۔ کیونکہ خدا نے آپ کو بھی چُن لیا ہے۔دیکھیں 1 کرنتھیوں 1.27-28.

آپ خوشی اور خدا پر پورے اعتماد کے ساتھ اپنی خدمت یا بلاہٹ کی طرف قدم بڑھا سکتے ہیں۔

  آج اس آزاد کرنے والے راستے کو چُنیں۔ چاہے آپ پہلے کئی بار کوشش کر چکے ہوں۔ کیونکہ آپ جانتے ہیں کہ کوئی بھی شخص گرے بغیر کبھی نہیں چلا۔ حتیٰ کہ داؤد بھی اس بات کی گواہی دے سکتا ہے۔

آپ ایک معجزہ ہیں۔

ڈیبورا