ہر صبح اور ہر شام خدا آپ کے ساتھ ہے۔

آج ہم زندگی کا ایک آسان سبق سیکھنے کے لیے عہد عتیق کی ایک کہانی کی طرف چلتے ہیں

'اور وہ فِلستی صُبح اور شام نزدِیک آتا اور چالِیس دِن تک نِکل کر آتا رہا۔ '1 سموئیل 17.16.

یہ آیت بہت صاف اور واضح ہے پھر بھی میں نے برسوں اسے پڑھا اور پوری طرح سمجھ نہ سکا۔

آپ اس میں سے کیا پڑھتے ہیں۔ یقیناً وہ جالوت ایک نہایت مغرور اور دکھ دینے والی حقیقت تھا۔

مگر اس میں اس سے کہیں زیادہ بات ہے۔ ہر صبح اور ہر شام دونوں لشکر آمنے سامنے کھڑے ہوتے تھے۔ فلستی اور اسرائیلی۔ اور آپ جانتے ہیں کہ اسرائیلیوں کے لیے دعا اور خدا کی عبادت کا خاص وقت کون سا تھا۔ بالکل۔ صبح اور شام۔

اب ذرا یہ تصور کریں کہ آپ دعا کرنا چاہتے ہیں مگر ایک دیو آپ پر گرج رہا ہے۔ ایسے میں آپ کا ردعمل کیا ہوگا۔ میں آپ کو بتا سکتی ہوں کہ اسرائیلیوں نے کیا ردعمل دکھایا۔ کلام کہتا ہے۔'1 سموئیل 17.24.میں'اور سب اِسرائیلی مَرد اُس شخص کو دیکھ کر اُس کے سامنے سے بھاگے اور بُہت ڈر گئے۔ 

جاتی جولیت وہ دیو تھاجو اُن کے اور اُن کی دعا کے وقت کے درمیان آ جاتاتھا۔اسرائیلی اُس سے مقابلہ کرنے سے ڈرتے تھے۔ وہ جنگ ہارنے کے خوف میں تھے۔مگر وہ یہ نہ سمجھ سکے کہ وہ پہلے ہی ہار چکے تھے۔اُس دیو نے خدا کے ساتھ اُن کا وقت چھین لیا تھا۔ صبح اور شام۔

پھر داؤد آگے آیا اور بادشاہ ساول سے کہا۔  1 سموئیل 17 .32. میں'اور داؤُد نے ساؤُل سے کہا کہ اُس شخص کے سبب سے کِسی کا دِل نہ گھبرائے۔ تیرا خادِم جا کر اُس فِلستی سے لڑے گا۔ '

مجھے داؤد کا سکون اور دلیری بہت پسند ہے۔ اور میں یہ سوچتی ہوں کہ اتنے لوگوں میں سے پہلے کسی کے دل میں یہ حوصلہ کیوں نہ آیا۔

داؤد نے اپنے ایمان اور خدا پر بھروسا کے درمیان کسی چیز کو آنے نہ دیا۔ ایک دیو بھی اُس کے اور اُس کے خدا کے درمیان حائل نہ ہو سکا۔

کون سا دیو آپ کو خدا کے ساتھ وقت گزارنے سے روک رہا ہے۔ صبح۔ اور شام۔ کون سا دیو آپ کو اس طرح شکست دے چکا ہے کہ اُس نے خدا کے ساتھ آپ کی رفاقت چھین لی ہے۔

آج کیا آپ بھی دلیری سے اپنے دیو کے سامنے کھڑے ہو کر یہ نہیں کہیں گے۔اُس شخص کے سبب سے کِسی کا دِل نہ گھبرائے۔ تیرا خادِم جا کر اُس فِلستی سے لڑے گا۔ '  1 سموئیل 17 .32. 

کیونکہ اگر آپ فتح مند ہونا چاہتے ہیں تو آپ کو خدا کی قوت کے ساتھ آگے بڑھنا ہوگا اور دیوؤں کو شکست دینی ہوگی۔

آپ ایک معجزہ ہیں۔

ڈیبورا