آج بھی یہ ممکن ہے

کیا آپ دل شکستہ ہیں؟ کیا لوگوں سے مایوس ہو چکے ہیں؟ کیا زندگی نے آپ کو مایوس کر دیا ہے؟ کیا آپ ہر بات پر سوال کرنے لگے ہیں خود پر، اپنی پوری زندگی پر؟ سوال ہی سوال ہیں اور پکڑنے کے لیے کوئی تنکا تک نظر نہیں آتا؟تو اس ہفتے میں دل کی گہرائی سے آپ کی نئی سرے سے حوصلہ افزائی کرنا چاہتی ہوں اور آپ کے ہاتھ میں صرف ایک تنکا نہیں بلکہ ایک مضبوط چٹان دینا چاہتی ہوں جس پر آپ پورے یقین کے ساتھ کھڑے ہو سکیں!تو آئیے، بات شروع کرتے ہیں

میں شاور میں ہی ٹوٹ کر بکھر گئی۔مجھے یوں لگا جیسے شاور کے پانی سے زیادہ پانی میری آنکھوں سے بہہ رہا ہو۔میں نے ایسا اپنے ساتھ کیوں ہونے دیا؟میں بالکل ٹوٹ چکی ہوں ایوس بے جان اور بے بس۔دن میں کئی بار بکھر جاتی ہوں۔روتی ہوں، چیختی ہوں۔میں!میں تھک چکی ہوں

حال ہی میں میں نے یہ الفاظ ایک نوٹ بک میں پڑھے اور بالکل سن ہو گئی وہ نوٹ بک جسے میں خالی سمجھتی تھی۔میں نے اُس میں صرف ایک ہی صفحے پر لکھا تھا،اور وہ الفاظ ایک بار پھر میرے دل کو چیر گئے۔بار بار میں اُن سطروں کو پڑھتی رہی اور سوچتی رہی:“یقیناً یہ میری زندگی نہیں ہو سکتی تھی۔

میں نے وہ الفاظ لکھنے کے بعد جو حیرت انگیز کام خدا نے قلیل عرصے میں کیے ہیں، وہ واقعی قابلِ بیان نہیں۔اُس نے میری زندگی کو مکمل طور پر بدل دیا ہےاس قدر کہ آج، اپنے ماضی کے مشکل تجربات ہی کی وجہ سے،میں آپ کی حوصلہ افزائی کر سکتی ہوں چاہے آپ اس وقت کسی بھی حالت سے گزر رہے ہوں۔جب میں یہ الفاظ اپنے کمپیوٹر پر لکھ رہی ہوںمیری آنکھیں ایک بار پھر آنسوؤں سے بھر جاتی ہیں کیونکہ مجھے اچھی طرح یاد ہے کہ میرے لیے حالات کتنے بُرے تھے۔اُس وقت میں کبھی یقین نہ کرتی کہ میرے لیے ایسی تبدیلی ممکن ہو سکتی ہے!آج میں آپ سے بلند آواز میں کہنا چاہتی ہوںبار بار آپ کی حوصلہ افزائی کرنا چاہتی ہوںکہ اِن سچائیوں پر ایمان رکھیں

'یِسُوعؔ نے اُن کی طرف نظر کر کے کہا یہ آدمِیوں سے تو نہیں ہو سکتا لیکن خُدا سے ہو سکتا ہے کیونکہ خُدا سے سب کُچھ ہو سکتا ہے۔ 'مرقس 10 .27.

کیا آپ یہ سمجھتے ہیں کہ آپ کے معاملے میں حالات بدل ہی نہیں سکتے؟خدا کے لیے سب کچھ ممکن ہے!

کیا آپ کو یقین ہے کہ آپ کی شادی ختم ہو چکی ہے؟خدا کے لیے سب کچھ ممکن ہے!

کیا آپ یہ مان بیٹھے ہیں کہ آپ کے بچے کبھی یسوع کو نہیں پائیں گے؟خدا کے لیے سب کچھ ممکن ہے!

کیا آپ کو لگتا ہے کہ آپ کبھی کامیاب نہیں ہو سکیں گے؟خدا کے لیے سب کچھ ممکن ہے!

کیونکہ خدا کے لیے ہمیشہ “اور زیادہ” ممکن ہےاس لیے کہ صرف اُسی کے لیے ہر چیز ممکن ہے!

'اب جو اَیسا قادِر ہے کہ اُس قُدرت کے مُوافِق جو ہم میں تاثِیر کرتی ہے ہماری درخواست اور خیال سے بُہت زِیادہ کام کر سکتا ہے۔ 'افسسیوں 3 .20.

آج آپ کو کہاں نئے سرے سے ایمان لانے اور بھروسا کرنے کی ضرورت ہےکہ آپ کے خدا کے لیے سب کچھ ممکن ہے؟

میرے ساتھ دعا کریںاَے باپ، میں ایمان رکھتا/رکھتی ہوں کہ تیرے لیے سب کچھ ممکن ہےمیری زندگی میں بھی!اور اسی لیے میں ابھی تجھے حمد و ستایش پیش کرتا/کرتی ہوں۔آمین۔

آپ ایک معجزہ ہیں!

ڈیبورا