آپ کے پیارے خُدا کی حفاظت میں محفوظ ہیں۔

جب دو نئے شادی شدہ لوگ ایک خاندان قائم کرتے ہیں تو وہ اپنے گھر کا تانا بانا بُننا شروع کرتے ہیں۔اپنے اس نئے گھر میں جو دھاگے وہ اکٹھے بُنتے ہیں اُن سب میں دُعا سب سے زیادہ اہم ہے۔

ہماری اٹھائیس برس کی شادی کے دوران میں اور میری بیوی بہت سی آزمائشوں سے گزرے اور کئی لڑائیاں برداشت کیں۔ ہم نے معجزات کے خُدا کا تجربہ بھی کیا اور اُس کی حضوری میں بڑی فتحیں بھی پائیں۔ دُعا بلا شبہ ہماری شادی اور خُدا کے ساتھ ہماری ذاتی زندگی کی بنیادوں میں سے ایک ہے۔ خُدا نے ہمیں تین حیرت انگیز بچوں کی برکت بخشی ہے۔ اُن سے ملنے والی خوشی بے حد ہے۔ لیکن ہر والدین کی طرح ہم نے فکروں کو بھی جانا ہے۔ اس کے باوجود ہم نے کبھی خُدا یا اُس کے رہنمائی کرنے والے ہاتھ پر شک نہیں کیا۔ ہم نے ہمیشہ ہر بات اُس کے ہاتھوں میں سونپی ہے۔

ایک کتاب میں جب ہم اپنے خاندان کے لیے دُعا کرتے ہیں تو کیا ہوتا ہے کے مصنف یہ لکھتے ہیں۔جب ہمارا پہلا بچہ جین کنڈرگارٹن میں داخل ہوا اور اُس وقت تک جب ہمارے آخری بچے کرٹ نے ہائی اسکول سے فراغت حاصل کی۔ میں اور میرے شوہر دروازے پر اُن کے ساتھ دُعا کرتے تھے اور اُنہیں رخصت کرتے تھے کہ خُداوند اُن کی حفاظت کرے اور اُن کی رہنمائی فرمائے۔ یہ بات ہمارے بچوں اور ہمارے لیے بڑی تسلی کا باعث تھی کہ وہ دنیا کا سامنا اکیلے نہیں کر رہے تھے بلکہ خُدا کی نگہداشت میں باہر جا رہے تھے۔ اس سے اُن کے دلوں میں اعتماد پیدا ہوا اور اُن خدشات کو سکون ملا جن کا انہیں سامنا ہو سکتا تھا۔ لیکن دُعا ہمیشہ ہم ہی کرتے تھے۔ یعنی ہم والدین اپنے بچوں کے لیے دُعا کرتے تھے۔

خُداوند ہی ہے جو آپ کی دیکھ بھال کرتا ہے۔ اگر آپ کے بچے ہیں تو وہ اُن کی بھی حفاظت کرتا ہے۔ اور اُن سب لوگوں کی بھی جو آپ کے لیے اہم ہیں۔ آپ ہر وقت اپنے پیاروں کے ساتھ نہیں رہ سکتے کہ اُنہیں ہر خطرے سے بچا سکیں۔ لیکن خُدا ہمیشہ اُن کے ساتھ ہوتا ہے۔ وہ نہ سوتا ہے اور نہ غافل ہوتا ہے۔ اسی لیے ہم پورے دل سے اُس پر بھروسا کر سکتے ہیں۔ آئیں زبور 121  2 5. پڑھیں۔'میری کُمک خُداوند سے ہے جِس نے آسمان اور زمِین کو بنایا۔ وہ تیرے پاؤں کو پِھسلنے نہ دے گا۔ تیرا مُحافِظ اُونگھنے کا نہیں۔ دیکھ! اِسرائیل کا مُحافِظ نہ اُونگھے گا نہ سوئے گا۔ خُداوند تیرا مُحافِظ ہے خُداوند تیرے دہنے ہاتھ پر تیرا سائبان ہے۔ 

اگر آپ اپنے بچوں کو اور اُن سب لوگوں کو جو آپ کے لیے اہم ہیں خُدا کے حوالے کر دیں تو کیا ہو۔ خوف کا لباس اُتار دیں اور دُعا کا لباس پہن لیں۔ اے خُداوند میں نے کئی لوگوں کے بارے میں فکر کرتا ہوں۔ میری خواہش ہے کہ میں ہر وقت اُن کے ساتھ رہوں لیکن یہ میرے لیے ممکن نہیں۔ جو میرے لیے ناممکن ہے وہ تیرے لیے ممکن ہے۔ اسی لیے میں تیری طرف رجوع کرتا ہوں۔ میں اپنے خاندان اور اپنے پیاروں کو تیرے حوالے کرتا ہوں۔ تو اُن کی زندگی کے ہر دن حفاظت کر اور اُنہیں محفوظ رکھ۔ تیری محبت اور فضل اور وفاداری کا شکر ہو۔ یسوع کے نام میں آمین۔

آپ ایک معجزہ ہیں

ایرک