جب قرعہ آپ پر آ پڑے۔

جب میں نے یہ پڑھا تو مجھے کچھ کوفت ہوئی کہ جس دن فرشتہ ہیکل میں زکریاہ پر ظاہر ہوا وہ وہاں صرف اس لیے پہنچا کیونکہ قرعہ اس کے نام نکلا تھا۔

ہم پڑھتے ہیں۔'جب وہ خُدا کے حضُور اپنے فرِیق کی باری پر کہانت کا کام انجام دیتا تھا تو اَیسا ہُؤا کہ کہانت کے دستُور کے مُوافِق اُس کے نام کا قُرعہ نِکلا کہ خُداوند کے مَقدِس میں جا کر خُوشبُو جلائے اور لوگوں کی ساری جماعت خُوشبُو جلاتے وقت باہر دُعا کر رہی تھی کہ خُداوند کا فرِشتہ خُوشبُو کے مذبح کی دہنی طرف کھڑا ہُؤا اُس کو دِکھائی دِیا 'لُوقا 1: 8-11

اس فرشتے نے اسے بتایا کہ اس کی دعا سنی گئی ہے اور اب وہ باپ بننے والا ہے۔ میں بار بار یہ سوچتی رہتی ہوں کہ اگر قرعہ کسی اور کے نام نکل آتا تو کیا ہوتا۔ کیا زکریاہ کبھی باپ نہ بنتا۔ یا کیا پھر وہ دوسرا کاہن باپ بن جاتا جس پر قرعہ نکلتا۔ خدا قرعے کو فیصلہ کرنے کی اجازت کیسے دے سکتا ہے۔

کبھی کبھی میں خود پر ہنس پڑتی ہوں۔ کیونکہ ایک طرف میں کہتی ہوں کہ میں خدا پر پورا بھروسا رکھتی ہوں اور دوسری طرف ایسی کہانیاں مجھے پریشان کر دیتی ہیں۔

کیا کبھی ایسا آپ کے ساتھ بھی ہوتا ہے کہ آپ بائبل میں کچھ پڑھتے ہیں اور دل میں کہتے ہیں واقعی۔

پھر ہمیں مل کر یہ یاد کرنے کی ضرورت ہوتی ہے کہ خدا ہی سب سے بڑی قدرت اور اختیار ہے۔ یہاں تک کہ جب وہ قرعے کے ذریعے بھی کام کرتا ہے۔

آئیے مل کر بائبل کے اس حصے کو دیکھیں۔ یہاں خدا فرماتا ہے۔'خُداوند فرماتا ہے کہ میرے خیال تُمہارے خیال نہیں اور نہ تُمہاری راہیں میری راہیں ہیں۔ کیونکہ جِس قدر آسمان زمِین سے بُلند ہے اُسی قدر میری راہیں تُمہاری راہوں سے اور میرے خیال تُمہارے خیالوں سے بُلند ہیں۔ 'یسعیاہ   55: 8-9

ایک اور چھوٹی سی یاد دہانی ہمارے لیے ہے۔ ہم خدا کی سوچ کو پوری طرح نہیں سمجھ سکتے کیونکہ ہم انسان ہیں اور وہ الٰہی ہے۔صرف وہی خدا ہے۔ہم انسان ہیں۔خدا ہم سے محبت کرتا ہے۔ہم انسان فنا ہو جاتے ہیں مگر خدا ہمیشہ قائم رہتا ہے۔ یہی سچ اُس پر بھروسا کرنے کے لیے کافی ہے چاہے ہم سب کچھ نہ سمجھ سکیں۔

اگرچہ آپ بعض باتوں پر سوال کر رہے ہوں خدا پھر بھی وفادار رہے گا۔

'جو بات وہ کہہ رہے تھے اُس پر یِسُوعؔ نے توجُہ نہ کر کے عِبادت خانہ کے سردار سے کہا خَوف نہ کر۔ فقط اِعتقاد رکھ۔ 'مرقس 5: 36

آپ ایک معجزہ ہیں۔

ڈیبورا