آپ کو کس بات پر شرمندگی محسوس ہوتی ہے

اب بھی، کئی سال بعد، جب میں اپنے وقت کو کانٹینینٹل سنگرز کے ساتھ یاد کرتی ہوں تو مجھے یہ شدید شرم محسوس ہوتی ہے۔ وہ ایک گاسپل سنگر گروپ تھا جس کے ساتھ میں نے یورپ بھر میں کئی موسم گرما گزارے۔ میری یادیں  ہالینڈ میں ریہرسل کیمپ کی ہے۔

ریہرسل کے دوران ڈانس بہت تیزی سے دکھایا جاتا اور پھر آپ کو انہیں یاد کر کے رقص کرنا ہوتا۔ میں کیا کہوں۔ میں پہلے ہی مرحلے میں باہر ہو گئی۔ اور مجھے آج بھی وہ الفاظ یاد ہیں۔ ڈیبوراہ ہم تمہیں مائیکروفون کے پیچھے کھڑا کر دیں گے۔ تمہیں زیادہ ہلنے کرنے کی ضرورت نہیں۔ یہ بہت تکلیف دہ تھا۔

کیا آپ جانتی ہیں میرے لیے یہ بات کیسی محسوس ہوئی۔ ڈیبوراہ تم بالکل بھی ڈانس نہیں کر سکتیں اس لیے ہمیں تمہیں کسی طرح چھپانا ہوگا۔ خود بخود میرے اندر یہ یقین بڑھنے لگا کہ تم کافی اچھی نہیں ہو۔ میں نے شرمندگی اور درد محسوس کیا۔

شاید یہی احساس الیشبع کے دل میں بھی رہا ہو جو زکریاہ کی بیوی تھی۔ وہ اپنے اُن دوستوں سے ملنے میں جھجکتی ہوگی جن کے بچے تھے جبکہ اس کے ہاں کوئی اولاد نہ تھی۔ وہ ماں نہ بن سکی۔ ممکن ہے اس نے بھی شرمندگی اور درد کا تجربہ کیا ہو۔

کیا وہ ایسا ہی محسوس کرتی رہی یہاں تک کہ ناممکن ممکن ہو گیا۔ کیونکہ خُدا کے ساتھ ناممکن بھی ممکن ہو جاتا ہے۔ اُس نے بڑھاپے میں اُسے حاملہ ہونے دیا۔ اُس وقت جب دوسروں کے لیے اولاد ہونا ممکن نہ رہا تھا۔

الیشبع خوش ہوئی。لُوقا 1: 25 میں ہم پڑھتے ہیں 'جب خُداوند نے میری رُسوائی لوگوں میں سے دُور کرنے کے لِئے مُجھ پر نظر کی اُن دِنوں میں اُس نے میرے لِئے اَیسا کِیا۔ '

میں آج آپ کو یاد دلانا چاہتی ہوں کہ خُدا اپنے منصوبے میں ہمیشہ ناممکن کو ممکن بنانے کا راستہ نکالتا ہے۔ ہاں خُدا آپ کے دل سے شرمندگی اور درد کو بھی دُور کرتا ہے۔

جیسے آج مجھے بغیر کسی آڈیشن کے اسٹیج پر کھڑا ہونے کی اجازت ہے اور جیسے الزبتھ حاملہ ہوئی۔ ویسے ہی آپ کی زندگی میں بھی وہ باتیں ممکن ہو سکتی ہیں جنہیں آپ نے کبھی ممکن نہیں سمجھا تھا۔

کیونکہ خُدا خُدا ہے۔

میری دُعا ہے کہ وہ آپ کو اپنی برکت سے حیران کرے۔ کیونکہ آپ اُس کی طرف سے محبت کیے جاتے ہیں۔

آپ ایک معجزہ ہیں۔

ڈیبورا