تجھے کمی نہ ہو گی۔

ہم اس ہفتے بھی پاک کلام میں آئے ہوئے خدا کے چند ناموں کو جان رہے ہیں۔

بہت مرتبہ میں نے خود کو دل گرفتہ پایا۔ تھکا ہوا۔ شکوک سے گھِرا ہوا۔ یوں جیسے روز مرہ کی مشکلات آزمائش بیماری اور خِدمت کی چیلنجوں نے اندر کا زور کھینچ لیا ہو۔ برسوں پہلے ٹاپ کرسچین کے آغاز سے بہت پہلے میری بیوی موریئیل اور میں نے فرانس کے شہر ریف دے جیئے میں چرچ کی خِدمت کا آغاز کیا تھا۔ یہ مکمل وقت کی خِدمت کا پہلا قدم تھا۔ اور ہم نے ایمان سے جینے کے بارے میں بہت کچھ سیکھا۔

کلیسیا کے پاس بہت تھوڑے وسائل تھے۔ یہاں تک کہ چند ماہ بعد کلیسیا کے لئے ہمیں دینا مشکل ہو گیا تھا کیونکہ اس سے اس کی مالی حالت کمزور پڑ سکتی تھی۔ بیوی کے ساتھ دعا کے بعد ہم نے اپنے وظیفے میں بڑی کمی کی درخواست کی۔ اس کے بعد ہمیں فقط معمولی اجرت کا ایک حصہ ملتا تھا اور ضرورتیں پھر بھی باقی رہتی تھیں۔ یہ وقت اور بھی مشکل تھا کیونکہ اسی دوران ہماری پہلی بچی الاماندین  پیدا ہوئی تھی۔

ایمان اور قربانی کے اس قدم کے نتیجے میں ہم نے اپنی نئی ازدواجی زندگی کے سب سے خوبصورت تجربے دیکھے۔ خدا نے ہماری ہر ضرورت پوری کی۔ اور خدا نے کلیسیا کو بھی برکت دی۔ ان دنوں میں ہم نے خدا کی اس صفت کو پہلے سے کہیں گہرا جانا کہ وہ الٰہی چرواہا ہے۔ وہ یہوہ روعی ہے۔ خداوند میرا چوپان ہے۔

مجھے داودِ نبی کے ساتھ یہ اعلان کرنا بہت پسند ہے۔'خُداوند میرا چَوپان ہے۔ مُجھے کمی نہ ہو گی۔ زبور 23: 1

داود نے اپنی زندگی میں انتہائی کٹھن زمانے دیکھے۔ ایسے وقت بھی آئے جب دشمن اس کی جان لینے کے درپے تھے۔ مگر وہ جانتا تھا کہ خداوند اس کا چوپان ہے اور وہ اس کی خبرگیری کرے گا اور اسے کسی چیز کی کمی نہ ہونے دے گا۔

کیا آپ دل شکستہ ہیں۔ تھکے ہوئے ہیں۔ ضرورتوں کے بوجھ تلے دبے ہوئے ہیں۔ یسوع جو آپ کا نیک چوپان ہے آپ کو ان ہی پاک کلام کے الفاظ کے مطابق آرام کیپانیوں کے پاس لے جانا چاہتا ہے۔ مزمور تئیس آیت دو۔

'وہ مُجھے ہری ہری چراگاہوں میں بِٹھاتا ہے۔ وہ مُجھے راحت کے چشموں کے پاس لے جاتا ہے۔ 'زبور 23 :2

وہ آپ کو نہ چھوڑے گا نہ دستبردار ہوگا.وہ آپ کو نہ بھولے گا.وہ مسلسل آپ اور آپ کے گھرانے کی خبرگیری کرتا رہے گا.

میں آپ کی زندگی پر ایمان سے یہ اعلان کرتا ہوں کہ چونکہ خداوند آپ کا چوپان ہے اس لیے آپ کو کمی نہ ہوگی.

آپ ایک معجزہ ہیں

ایرک