ہم اپنے خوف کو اپنے راستے میں کھڑا ہونے کی اجازت نہیں دیں گے۔

اور اندھوں کو اُس راہ سے جِسے وہ نہیں جانتے لے جاؤُں گا۔ مَیں اُن کو اُن راستوں پر جِن سے وہ آگاہ نہیں لے چلُوں گا۔ مَیں اُن کے آگے تارِیکی کو روشنی اور اُونچی نِیچی جگہوں کو ہموار کر دُوں گا۔ مَیں اُن سے یہ سلُوک کرُوں گا اور اُن کو ترک نہ کرُوں گا۔ 'یسعیاہ 42: 16

کیا خدا نے کبھی آپ سے کہا کہ آپ نامعلوم راستے پر قدم رکھیں۔ شاید آج بھی خدا آپ سے یہی چاہے۔ اس میں گھبرانے کی کوئی بات نہیں۔

بڑے سوال اس لئے اٹھتے ہیں کہ راستہ نیا ہے۔ آپ نے یہ راہ پہلے کبھی نہیں چلی۔ نہ جاننا کہ اگلا قدم کیا ہو گا بالکل معمول کی بات ہے۔ کبھی کبھار ٹھوکر لگ جانا بھی معمول کی بات ہے۔

آپ راستے میں سیکھ جائیں گے۔ فی الحال بس آگے بڑھتے رہیں۔

جب نئی راہیں کھلیں تو خوشی منائیں اور اپنے دل کی خوشی کو خوف کے ہاتھوں ضائع نہ ہونے دیں.

جب مجھے ان پیغامات کو لکھنے کے لئے کہا گیا جنہیں آپ آج پڑھ رہے ہیں تو میرا دل بھی اسی طرح سوالوں سے بھر گیا تھا. میں کیسے سنبھالوں گی. کیا ہر روز کوئی نئی سوچ آئے گی. کیا پڑھنے والے سمجھ پائیں گے. یا پھر وہ تنقید کریں گے.

اور یقین مانیں میرے پاس اس سے بھی کہیں زیادہ سوال تھے. مگر خدا نے صاف طور پر فرمایا تھا. قدم تو مجھے ہی رکھنا تھا. اور آج میں اسی فرمانبرداری کی بڑی برکت کو دیکھ رہی ہوں.

اگر آج خدا آپ سے کچھ چاہتا ہے تو آگے بڑھیں. کیونکہ اس کی بڑی برکت آپ کی منتظر ہے.

شاید آپ یہ لائن  پڑھتے ہوئے سوچ رہے ہوں. ٹھیک ہے میں تو نکل بھی پڑا ہوں مگر کوئی برکت دکھائی نہیں دیتی. الٹا دل میں خوف بڑھ رہا ہے. مایوس نہ ہوں. اکثر معجزات تب ظاہر ہوتے ہیں جب آپ ہمت نہ چھوڑیں اور چلتے رہیں.

آج. اسی لمحے. خدا آپ کو مضبوط کرنا چاہتا ہے.

'بلکہ خواہ مَوت کے سایہ کی وادی میں سے میرا گُذر ہو مَیں کِسی بلا سے نہیں ڈرُوں گا کیونکہ تُو میرے ساتھ ہے۔ تیرے عصا اور تیری لاٹھی سے مُجھے تسلّی ہے۔ 'زبور 23:4

آمین.

آپ ایک معجزہ ہیں.