گر آپ ذرا مختلف انداز سے سوچیں تو کیا ہوگا

کیا آپ کی زندگی میں مشکلات ہیں. کیا آپ کو لگتا ہے کہ سب کچھ آپ پر ایک ساتھ آ گرا ہے اور آپ تھکن بے چینی اور ما یو سی میں گھر گئے ہیں.

ایسا ہونا عام بات ہے. مگر فکر کی ضرورت نہیں. اصل ضرورت چند سادہ قدم اٹھانے کی ہے جو آپ کی حالت بدل سکتے ہیں. میں خود بھی کئی بار اسی مقام پر آتی ہوں اس لئے جانتی ہوں کہ تبدیلی کیوں ضروری ہے.

تو کیا آپ اپنی زندگی میں تازگی اور آسانی لانے کے لئے تیار ہیں.

بہت سے لوگ نیند کی مشکل کا سامنا کرتے ہیں. کیا آپ بھی اس حالت سے گزرتے ہیں. میں بھی اس کیفیت کو خوب پہچانتی ہوں. اسی لئے میں نے سوچا کہ شاید ایک مناسب تکیہ کچھ بہتری لا سکے. چنانچہ میں نے مشورہ لے کر روی سے بھرا ہوا ایک تکیہ خریدا جس میں زپ بھی تھی.

دکاندار نے بتایا تھا کہ آپ اپنی ضرورت کے مطابق بھرائی کم یا زیادہ رکھ سکتے ہیں. اسی کے مطابق آپ موٹے یا پتلے تکیے پر آرام کر سکتے ہیں.

چند ہفتوں بعد میں نے سوچا کہ یہ تکیہ تو میرے کسی کام کا نہیں. میرا سر اس پر ٹھیک سے ٹکتا نہیں اور نیند بھی پہلے جیسی ہی تھی.

مگر اصل قصور میرا ہی تھا. میں نے تکیہ لے تو لیا مگر اسے جیسے لیا تھا ویسے ہی استعمال کرتی رہی. حالانکہ وہ میرے لئے حد سے زیادہ بھرا ہوا تھا. میں نے وہ کیوں نہ کیا جو دکاندار نے سمجھایا تھا. آخر یہی تو اس تکیے کی اصل خوبی تھی.

کبھی کبھار میں سوچتی ہوں کہ کہیں ہم اپنی زندگی کے ساتھ بھی یہی سلوک تو نہیں کرتے. خدا ہمیں زندگی دیتا ہے اور اس کے ساتھ وہ سب راستے بھی جن سے ہم اس کو بہتر بنا سکتے ہیں مگر ہم کچھ کرتے ہی نہیں. بس یوں کھڑے رہتے ہیں اور کہتے ہیں. زندگی دینے کا شکریہ. یہ وہ نہیں جو میں چاہتی تھی مگر خیر جیسی ہے ٹھیک ہے.

مگرخدا کا کلام کہتا ہے.'اور اپنی عقل کی رُوحانی حالت میں نئے بنتے جاؤ۔ 'افسسیوں 4: 23 کیونکہ 'یِسُوعؔ نے اُس سے کہا کیا! اگر تُو کر سکتا ہے! جو اِعتقاد رکھتا ہے اُس کے لِئے سب کُچھ ہو سکتا ہے۔ 'مرقس 9:23

کیا یہ ممکن ہے کہ آپ کی زندگی بھی میرے تکیے کی مانند حد سے زیادہ بھر گئی ہو۔ کہ آپ نے ابھی تک وہ قدم نہ اٹھایا ہو کہ یسوع سے کہیں وہ آپ کی سوچ کو نیا کرے۔ کہ آپ نے یہ ٹھان لیا ہو کہ زندگی اب ایسی ہی رہے گی.

مگر جب آپ یہ گمان کرتے ہیں کہ سب کچھ ہمیشہ ایسا ہی رہے گا یسوع آپ کے ساتھ کھڑا ہے۔ وہ منتظر ہے کہ آپ اس کی زندگی بدل دینے والی مدد کو قبول کریں.

آج میں آپ کے ساتھ یہ دعا کرنا چاہتی ہوں۔یسوع یہ سچ ہے کہ میری حالت بہتر ہو سکتی ہے مگر میرا ایمان سست ہو گیا ہے۔ میری سوچ کو بدل دے اور میری مدد کر کہ میں مان سکوں کہ تیرے لئے سب کچھ ممکن ہے میری اپنی زندگی تک بھی۔ اس کے لئے شکر گزار ہوں جو میں دیکھوں گی۔ آمین۔

آپ ایک معجزہ ہیں۔

ڈیبورا