آپ کی زندگی کے لیے ایک اہم کنجی
میں نہیں جانتا آپ کی صورتحال کیسی ہے مگر مجھے تو اکثر رہنمائی کی ضرورت ہوتی ہے. روز مرہ کے بے شمار فیصلے جن کا سامنا کرنا پڑتا ہے کبھی معمولی ہوتے ہیں اور کبھی بہت اہم. حتیٰ کہ آج کا معجزہ لکھتے وقت بھی میں خدا کی طرف سے راہنمائی کا محتاج ہوتا ہوں. ہر بار میں اس کا جواب اس کے کلام میں پاتا ہوں. دعا میں پاتا ہوں. اس کی حضوری کو ڈھونڈنے میں پاتا ہوں. اور اکثر خدا سے الهام پانے والے دوستوں کے ذریعے بھی پاتا ہوں.
کبھی کبھی ہم اپنی زندگی میں کسی ایسے موڑ پر پہنچ جاتے ہیں جہاں سمجھ نہیں آتی کہ رکنا ہے دائیں جانا ہے بائیں جانا ہے یا واپس پلٹ جانا ہے. اس سے دل میں بے چینی گھبراہٹ اور پریشانی پیدا ہوتی ہے. بالکل یوں جیسے راستہ بتانے والا آلہ اچانک بند ہو جائے اور سمت کھو بیٹھے.
آج یہ کلام اپنے لیے حوصلے کی کنجی اور زندگی کی بنیاد کے طور پر لے لیجیے. اے خداوند تو ہی میرا چھپنے کی جگہ ہے. تو مجھے مصیبت سے بچا لے گا اور نجات کے نغموں سے مجھے گھیر لے گا. تو فرماتا ہے میں تجھے سمجھ بخشوں گا. تجھے وہ راستہ سکھاؤں گا جس پر تجھے چلنا ہے. میں اپنی محبت بھری نگاہ تیرے اوپر رکھوں گا.
خدا آپ کی پناہ گاہ ہے.وہ آپ کو مصیبت سے بچائے گا.وہ آپ کو وہ راہ دکھائے گا جس پر آپ کو چلنا ہے.اس کی محبت بھری نگاہ ہمیشہ آپ پر ہے.اور وہ کبھی راستہ نہیں بھولتا.وہ جانتا ہے آپ کو کہاں جانا ہے اور کس طرح وہاں پہنچنا ہے.
ہر وقت اپنی سب باتیں خدا کے حضور رکھ دیں اور پھر تھوڑی دیر ٹھہر کر اس کی آواز سنیں. اس کے دل کی وہ بات سنیں جو وہ آپ کے دل سے کہنا چاہتا ہے. اب خوف نہ کریں. خدا نے وعدہ فرمایا ہے کہ وہ آپ کو راستہ دکھائے گا. وہ آپ کی زندگی کے لیے کامل رہنما ہے. میں تو یوں کہتا ہوں کہ یہ حقیقی جی پی ایس دراصل گادز پرفیکٹ سائٹ ہے.
آپ ایک معجزہ ہیں!
ایر ک
