یہ رویہ آپ کی زندگی میں ترقی کی رفتار بڑھا دے گا۔

 اس ہفتے آئیں ان سچائیوں پر غور کریں جو ہمیں خدا کی بخشش سے آگے بڑھنا سکھاتی ہیں۔کیا آپ نے کبھی کسی ایسے شخص کو دیکھا ہے جو کمرے میں داخل ہوتے ہی اپنی روشنی سے دلوں کو جگا دے۔ایسا رویہ اسی نور کی جھلک ہوتا ہے جو خدا اپنے لوگوں کے دلوں میں رکھتا ہے۔

ایک دن جب میں اور میری بیوی ہسپتال میں داخل ہوئے تو ایک مریضہ ہمارے پاس آئی اور اس نے ہمارا شکریہ ادا کیا۔ وہ ہمیں جانتی نہ تھی۔ لیکن پھر بھی وہ شکرگزاری کے لیے جان بوجھ کر ہمارے پاس آئی کیونکہ ہمارے رویے نے اس کے دل کو چھوا تھا۔سب سے بہترین رویہ شکرگزاری ہے۔ جب ہم خدا کے حضور اس کی ہر نعمت پر شکر گزار ہوتے ہیں تو ہماری زندگی خود دوسروں کے لیے برکت بن جاتی ہے۔

کبھی کبھی ہماری زندگی مشکل ہو جاتی ہے۔ یہاں تک کہ بوجھ اٹھانا بھی مشکل محسوس ہوتا ہے اور تکلیف بالکل حقیقی ہوتی ہے۔ مگر ہمارا خدا ہمارے ساتھ اپنا کام ابھی پورا نہیں کرتا۔ اس کی شفقت ہر صبح نئی ہوتی ہے۔ جب ہم شکر گزاری کرتے ہیں تو ہمارے اندر اور ہمارے آس پاس ایک نئی فضا بنتی ہے۔ اس سے ہم خود بھی سنبھلتے ہیں اور ہمارے آس پاس کے لوگ بھی برکت پاتے ہیں۔

ایک خوش خبری یہ ہے کہ شکر گزاری ایک سیکھنے کا عمل ہے۔  پولس رسول نے 'فِلپیوں 4․11. میں کہا کہ 'یہ نہیں کہ مَیں مُحتاجی کے لِحاظ سے کہتا ہُوں کیونکہ مَیں نے یہ سِیکھا ہے کہ جِس حالت میں ہُوں اُسی پر راضی رہُوں۔ 

پولس اور سیلاس کو یاد کریں جو رات کے بیچ میں قید کے گہرے گڑھے میں مار کھانے کے بعد بھی خدا کی حمد  کے گیت گا رہے تھے۔ خدا نے ان کی شکر گزاری کو زلزلے اور غیر معمولی برکت میں بدل دیا۔ یہاں تک کہ اسی رات پہرے دار اور اس کا گھرانے نے  بپتسمہ لے لیا۔ یہ  اعمال کی کتاب میں دیکھا جا سکتا ہے۔اعمال 16: 22-36

خدا کی بخشش سے آگے بڑھنے کی دوسری کنجی ہر وقت شکر گزاری ظاہر کرنا ہے۔ شکر گزاری ہماری زندگی کو برکت بنا دیتی ہے۔ یہ برکت آپ کے اندر سے شروع ہوتی ہے اور دوسروں تک بھی پہنچتی ہے۔آج سے ہی میں آپ کو یہ کرنے  کی دعوت دیتا ہوں۔ اپنے پاس موجود چیزوں کے لیے شکر گزار ہونا شروع کریں چاہے وہ کتنی ہی چھوٹی کیوں نہ لگیں۔آج رات اپنی  نوٹ بک میں انہیں لکھیں اور شکر سے بھرے دل کے ساتھ سو جائیں۔ اور کل صبح بھی یہی کریں۔ میں خود ہر صبح اور ہر رات یہ عمل کرتا ہوں تاکہ ہر دن میرے لیے معجزہ بن جائے۔آج کا دن  آپ کے لیے برکت بھرا خوبصورت دن ہو۔

آپ ایک معجزہ ہیں

ایرک