خدا صرف دینا پسند نہیں کرتا بلکہ اس سے بھی بڑھ کر ہے۔

ہم اُس ہفتے کے اختتام پر پہنچ گئے جو خُدا کی بادشاہی کے بارے میں تھا۔

یہ جان لیں کہ ابھی اور بھی ہے۔ جیسا میرا دوست لُک ڈومونٹ کہتا ہے، کچھ اور بھی ہے۔ کیا آپ اس پر ایمان رکھتے ہیں۔ کیا آپ یقین رکھتے ہیں کہ خُدا کی فراہمی، خوشی اور آپ کی زندگی کے خوابوں کے خزانے ختم نہیں ہوئے اور ختم نہیں ہوئے۔ ابھی اور بھی ہے۔ کچھ اور بھی ہے۔

بلکہ تُم پہلے اُس کی بادشاہی اور اُس کی راست بازی کی تلاش کرو تو یہ سب چِیزیں بھی تُم کو مِل جائیں گی۔ 'مَتّی 6: 33

اس آیت کے آخری حصے کو دوسرے تراجم میں بھی اس طرح بیان کیا گیا ہے کہ مزید۔ اس کے علاوہ۔ فراوانی سے۔یعنی سادہ الفاظ میں۔ اور زیادہ۔صلیب خدا کی طرف سے اضافہ کی نشانی ہے۔یسوع مسیح نے سب کچھ کھو دینے پر رضامندی ظاہر کی۔تاکہ ہم زیادہ حاصل کر سکیں۔زیادہ اطمینان۔زیادہ خوشی۔ہماری زندگیوں میں زیادہ دن۔لیکن خاص طور پر ہمارے دنوں میں زیادہ زندگی۔۔

اپنے کلام میں خداوند ہمیں بار بار یہ بتاتا ہے کہ ۔

'اب جو اَیسا قادِر ہے کہ اُس قُدرت کے مُوافِق جو ہم میں تاثِیر کرتی ہے ہماری درخواست اور خیال سے بُہت زِیادہ کام کر سکتا ہے۔ 'افسیوں 3: 20

حد سے بڑھ کر فراوانی یونانی لفظ perissos سے ماخوذ ہے۔ اس کا مطلب ہے ضرورت سے کہیں زیادہ۔ یہ خوشخبری ہے کہ خدا صرف آپ کی ضرورتوں کا جواب دینا نہیں چاہتا۔ وہ آپ کو بھر دینا چاہتا ہے اور آپ کو مکمل کرنا چاہتا ہے۔ وہ آپ کو اپنی زندگی سے اپنی محبت سے اور خود اپنے آپ سے معمور کرنا چاہتا ہے۔ خدا کے بیٹوں کے لیے ایک میراث محفوظ کی گئی ہے۔

یقین رکھیں کہ آپ کے لیے ایک میراث ہے۔ آپ کے خاندان کے لیے زیادہ ہے، آپ کی شادی کے لیے بہت  زیادہ ہے، آپ کی تعلیم کے لیےبہت  زیادہ ہے اور آپ کی صحت کے لیےبہت  زیادہ ہے۔ یہ وہ میراث ہے جو آپ کا آسمانی باپ آپ کو عطا کرتا ہے۔

اور چُونکہ تُم بیٹے ہو اِس لِئے خُدا نے اپنے بیٹے کا رُوح ہمارے دِلوں میں بھیجا جو ابّا یعنی اَے باپ! کہہ کر پُکارتا ہے۔ پس اب تُو غُلام نہیں بلکہ بیٹا ہے اور جب بیٹا ہُؤا تو خُدا کے وسِیلہ سے وارِث بھی ہُؤا۔ 'گلتیوں 4 :6‑7

آپ کی میراث میں کیا ہے۔ ابدی زندگی اور اس زندگی کے لیے وعدے بھی۔ جب آپ خُدا کی بادشاہی اور اُس کی راستبازی تلاش کرتے ہیں تو مجھے پختہ یقین ہے کہ خُدا آپ کی زندگی میں مکمل طور پر کام کرے گا۔ جو کچھ بھی آپ کو چاہیے خُدا کے پاس موجود ہے۔

آج اپنا دل اُس کے لیے کھولیں۔

آپ ایک معجزہ ہیں

ایرک