اپنی مایوسی کی طرف واپس نہ جائیں

حال ہی میں ایک پرفارمنس کے بعد میں اپنے عزیز دوستوں کے ساتھ باہر گئی۔ چونکہ ہم اُس شہر سے زیادہ واقف نہیں تھے اس لیے ہم بس چل پڑے اور جو پہلا کیفے نظر آیا اُس میں داخل ہو گئے۔ وہ جگہ بہت خوبصورت اور دلکش تھی۔

مگر سچ یہ ہے کہ بس یہی بات اچھی تھی۔ ہمیں کافی دیر تک انتظار کروایا گیا۔ اور جب آخرکار ویٹر آیا تو اُس نے افسوس سے کہا۔ معاف کیجیے باورچی خانے میں کچھ بھی باقی نہیں۔

جب ہم باہر نکل رہے تھے تو میں نے طنزیہ انداز میں اپنے دوست سے آہستہ کہا۔ میں یہاں دوبارہ نہیں آؤں گی۔

طنز کا سلسلہ اگلی صبح بھی جاری رہا۔ ہم چرچ واپس گئے تاکہ سارا ساز و سامان لوڈ کر سکیں اور ہم نے سوچا کہ ایک کپ کافی لے لیں۔اور آپ جانتے ہیں پہلا کیفے کون سا نظر آیا  جی ہاں وہی پرانا کیفے۔ باہر سے وہ اب بھی اُتنا ہی دلکش لگ رہا تھا۔ سب نے کہا۔ چلو دوبارہ وہیں چلتے ہیں۔ میں نے بھی ایک لمحے کو سوچا۔ تب میری نظر ایک چھوٹی گلی پر پڑی جہاں ایک کیفے چھپا ہوا تھا جو سڑک سے بمشکل نظر آتا تھا۔

وہاں جا کر ہمیں سب سے لذیذ کافی ملی۔ ہم نے سوچا۔ ہم نے یہ جگہ کل کیوں نہیں دیکھی ہم سیدھے یہیں کیوں نہیں

آ گئے۔ کیا یہ بات آپ کو جانی پہچانی لگتی ہے۔ کیا آپ خود کو بار بار اُس جگہ یا شخص کے پاس لوٹتا ہوا پاتے ہیں جہاں سے آپ پہلے ہی مایوس ہو چکے ہیں۔ اور سوچتے ہیں کہ یہ بار بار کیوں ہوتا ہے۔

باہر سے وہ جگہ یا شخص اچھا لگتا ہے مگر دل جانتا ہے کہ یہ سب صرف دکھاوا ہے۔ اور جب بھی آپ دوبارہ وہاں جاتے ہیں آپ کا دل پھر سے دُکھتا ہے اور آپ مایوسی میں ڈوب جاتے ہیں۔

میں یہ بات پہلے بھی کہہ چکی ہوں اور آج پھر دل سے کہتی ہوں یہاں زیادہ دیر نہ ٹھہریں۔ آگے بڑھیں۔ کیونکہ معجزے ہمیشہ اُس وقت ہوتے ہیں جب آپ خُدا پر بھروسہ کر کے ایک قدم آگے بڑھاتے ہیں۔

بائبل آج آپ کے لیے اس بات کی تصدیق کرتی ہےاستثناء 1:  6- 7' خُداوند ہمارے خُدا نے حورِبؔ میں ہم سے یہ کہا تھا کہ تُم اِس پہاڑ پر بُہت رہ چُکے ہو۔ سو اب پِھرو اور کُوچ کرو اور امورِیوں کے کوہستانی مُلک اور اُس کے آس پاس کے مَیدان اور پہاڑی قطعہ اور نشیب کی زمِین اور جنُوبی اطراف میں اور سمُندر کے ساحِل تک جو کنعانیوں کا مُلک ہے بلکہ کوہِ لُبنانؔ اور دریایِ فراتؔ تک جو ایک بڑا دریا ہے چلے جاؤ۔ 

تو آپ کس مایوسی کی طرف واپس نہیں لوٹنے والے بلکہ آگے بڑھنے والے ہیں

آپ ایک معجزہ ہیں۔

ڈیبورا