سب سے پہلے خُدا کے ساتھ وقت گزاریں۔

کیا آپ کے لیے خاندانی زندگی اور بے شمار پیشہ ورانہ یا رضاکارانہ ذمہ داریوں کے درمیان خُدا کے ساتھ رفاقت کا وقت مقرر کرنا مشکل ہے؟ ہم بائبل میں پڑھتے ہیں۔'بلکہ تُم پہلے اُس کی بادشاہی اور اُس کی راست بازی کی تلاش کرو تو یہ سب چِیزیں بھی تُم کو مِل جائیں گی۔ متی 6: 33

ہر دن ایک نئی شروعات اور خُدا کی رحمتیں پانے کا نیا موقع پیش کرتا ہے۔ اسی لیے دن کے ابتدائی لمحات میں ہم جو کرتے ہیں وہ باقی دن کا تعین کرتا ہے۔

خُدا کا یہ وعدہ ہے کہ اگر آپ پہلے اُس کی بادشاہی اور راستبازی کو تلاش کریں گے تو باقی سب چیزیں آپ کو دی جائیں گی۔ الٰہی فراہمی۔ آسمانی تعلق۔ حکمت۔ فہم۔ اور روح کی تازگی۔

درحقیقت ہم دعا کے بغیر کچھ بھی نہیں کر سکتے۔ وہ تمام منصوبے جو ہم پورے کرنے کی آرزو رکھتے ہیں۔ وہ وعدے جو خُدا نے ہمارے گھرانوں کے لیے فرمائے ہیں۔ وہ اُمیدیں جو ہم اپنی زندگیوں اور خُدا کی بادشاہی کے لیے رکھتے ہیں۔ سب کچھ اُس کے حضور دعا میں لانا ضروری ہے کیونکہ وہی سننے والا اور پورا کرنے والا خُدا ہے۔

خُدا کے بغیر میں کوشش تو کر سکتا ہوں مگر کبھی سچا اور مؤثر نہیں بن سکتا۔ لیکن خُدا کے ساتھ میں بڑے بڑے کام کر سکتا ہوں۔

اپنے آپ کو اُن لوگوں کے درمیان رکھیں جو دعا کے بھید جان چکے ہیں اور آپ کی راہنمائی کر سکتے ہیں۔ اور سب سے بڑھ کر اپنی تمام ضرورتیں اپنے آسمانی باپ کے حضور پیش کریں کیونکہ وہ آپ سے گہری محبت رکھتا ہے اور آپ میں دلچسپی لیتا ہے۔

آپ ایک معجزہ ہیں

 ایرک