خدا واقعی آپ سے محبت کرتا ہے

'اور ہاجرہؔ نے خُداوند کا جِس نے اُس سے باتیں کِیں اتااؔیل روئی نام رکھّا یعنی اَے خُدا تُو بصیر ہے کیونکہ اُس نے کہا کیا مَیں نے یہاں بھی اپنے دیکھنے والے کو جاتے ہُوئے دیکھا؟ پیدائش 16: 13

یہ آیت آپ کے دل میں کیا احساس جگاتی ہے. خوف یا خُوشی. کیا میں سچ کہہ سکتی ہوں مجھے دُکھ ہوتا ہے جب لوگ اپنے ماضی یا پرانی سوچ کے سبب خُدا کو ایک سخت خُدا کے طور پر دیکھتے ہیں.

'جو مُحبّت خُدا کو ہم سے ہے اُس کو ہم جان گئے اور ہمیں اُس کا یقِین ہے۔ خُدا مُحبّت ہے اور جو مُحبّت میں قائِم رہتا ہے وہ خُدا میں قائِم رہتا ہے اور خُدا اُس میں قائِم رہتا ہے۔ '1 یوحنا 4: 16

'مُحبّت اِس میں نہیں کہ ہم نے خُدا سے مُحبّت کی بلکہ اِس میں ہے کہ اُس نے ہم سے مُحبّت کی اور ہمارے گُناہوں کے کفّارہ کے لِئے اپنے بیٹے کو بھیجا۔ '1 یوحنا 4:10

خُدا ویسا ہی ہے جیسا وہ ہے. چاہے آپ اُسے کیسے بھی دیکھیں. اور خُدا ہمیشہ ویسا ہی رہتا ہے. چاہے آپ کا نظریہ کچھ بھی ہو.

وہ ہمیشہ وہی خُدا ہے جو آپ سے محبت کرتا ہے. چاہے آپ اِس پر ایمان رکھیں یا نہ رکھیں. وہ چاہتا ہے کہ آپ اُسے ویسا دیکھیں جیسا وہ ہے. اُس خُدا کے طور پر جو.خُدا تُو بصیر ہے پیدائش 16:13

اور چونکہ خُدا اپنی عظیم محبت میں آپ کو دیکھتا ہے. کیا میں یہ پوچھ سکتی ہوں کہ کیا آپ جو کچھ دن بھر کرتے ہیں وہ اِس سچائی کو ذہن میں رکھ کر کرتے ہیں.

'دیکھو! خُداوند کی نِگاہ اُن پر ہے جو اُس سے ڈرتے ہیں۔ جو اُس کی شفقت کے اُمیدوار ہیں تاکہ اُن کی جان مَوت سے بچائے اور قحط میں اُن کو جِیتا رکھّے۔ 'زبُور 33: 18-19

یہاں دو باتیں نمایاں ہیں: "اُس کی نگاہیں آپ پر ہیں," خُدا اس بات پر پریشان نہیں ہوتا کہ آپ کے حالات کیسے ہیں. کچھ بھی اُسے خوفزدہ نہیں کرتا. بلکہ اس کے برعکس، اُس نے پہلے ہی فیصلہ کر لیا ہے کہ وہ اُن کی مدد کرے گا جو اعتماد کے ساتھ اُس کا انتظار کرتے ہیں.

کیا آپ اُس کا انتظار کر رہے ہیں, یا آپ اُس سے دور بھاگتے ہیں اور ایسے کام کرتے ہیں جو آپ کے لیے نقصان دہ ہیں، کیونکہ آپ یقین نہیں کر پاتے کہ وہ ایک نیک خُدا ہے، جو محبت میں آپ کو دیکھ رہا ہے؟

'اُس لڑکے کے باپ نے فی الفَور چِلاّ کر کہا مَیں اِعتقاد رکھتا ہُوں۔ تُو میری بے اِعتقادی کا عِلاج کر۔ 'مرقس 9: 24

آپ ایک معجزہ ہیں.

ڈیبورا