کیا خُدا نے پہلے ہی آپ سے بات کی ہے۔

کئی دنوں سے ہم اس سچائی پر غور کر رہے ہیں کہ خُدا ایک ایسا خُدا ہے جو واقعی ہمیں دیکھتا ہے۔ کیا یہ اس بات کا ثبوت نہیں کہ وہ ہم سے بات کرنا چاہتا ہے۔ یا شاید خُدا نے پہلے ہی ہم سے کلام کیا ہو مگر ہم اُس کی آواز سننا نہیں چاہتے تھے۔ خُداوند اُن سب کے قرِیب ہے جو اُس سے دُعا کرتے ہیں۔ یعنی اُن سب کے جو سچّائی سے دُعا کرتے ہیں۔ 'زبُور 145 :18

ہاں میں جانتی ہوں یہ کتنا مشکل اور پریشان کن ہوتا ہے جب آپ خُدا سے فریاد کرتے ہیں اپنی درخواستیں اُس کے سامنے رکھتے ہیں اور سوچتے ہیں کہ اُس کا جواب کب آئے گا اور کیسا ہوگا۔ کیا واقعی آپ یہ توقع رکھتے ہیں کہ خُدا جواب دے گا اور آپ سے بات کرے گا۔

آج میں آپ سے ایک اور اہم قدم اُٹھانے کی بات کرنا چاہتی ہوں

کیا آپ اپنا دل پاک کرنے کو تیار ہیں تاکہ خُدا کی حضوری کے لیے جگہ بن سکے۔

کیا ایسا ہو سکتا ہے کہ خُدا پہلے ہی آپ سے کلام کر چکا ہے مگر آپ نے اُس کے الفاظ کو دبا دیا یا نظرانداز کر دیا کیونکہ اُس پر عمل کرنا آپ کو کسی قیمت میں پڑتا۔ اور جب آپ اُس کے کہے ہوئے کو دبا رہے ہیں تو کیا آپ یہ اُمید رکھتے ہیں کہ خُدا آپ سے کوئی نیا اور خوشگوار کلام کرے جو آپ کو کچھ بھی نہ دینا پڑے۔

کیا ہم اپنے روحانی کان بند کر لیتے ہیں جب خُدا وہ بات کہتا ہے جو ہم سننا نہیں چاہتے۔ مجھے آپ کے ساتھ یہ آیات ضرور شیئر۔ مجھے معلوم ہے کہ پہلے پہل آپ سوچیں گے یہ تو سخت بات ہے۔ مگر اگر آپ غور سے دیکھیں تو آپ کو یہاں محبت اور آزادی کی گہری حقیقت نظر آئے گی۔

"اور اگر وہ بیڑیوں سے جکڑے جائیں اور مُصِیبت کی رسّیِوں سے بندھیں تو وہ اُنہیں اُن کا عمل اور اُن کی تقصِیریں دِکھاتا ہے کہ اُنہوں نے گھمنڈ کِیا۔ وہ اُن کے کان کو تعلِیم کے لِئے کھولتا ہے اور حُکم دیتا ہے کہ وہ بدی سے باز آئیں۔ اگر وہ سُن لیں اور اُس کی عِبادت کریں تو اپنے دِن اِقبال مندی میں اور اپنے برس خُوش حالی میں بسر کریں گے۔" 'ایُّوب 36: 8-11

آپ کی زنجیریں کیا ہیں۔ وہ کون سا قصور ہے جو آپ پر بوجھ بن کر ہے جسے آپ بار بار دبانے کی کوشش کرتے ہیں جب خدا آپ کی توجہ اس پر دلاتا ہے۔ کہاں خدا نے آپ کے دل کی خلوت میں آپ سے بات کی ہے۔

وہ یہ سب آپ کی مدد کے لیے کر رہا ہے۔ وہ آپ کو تیار کر رہا ہے تاکہ آپ ان باتوں کا سامنا کر سکیں اور حقیقی خوشی اور تسکین پا سکیں۔

آج اس سے پہلے کہ آپ یہ سوچیں کہ شاید خدا اب آپ کو دیکھتا بھی ہے یا نہیں۔تو آج اس سے پہلے کہ آپ یہ سوچیں کہ کیا خدا اب بھی آپ کو دیکھتا ہےپیدائش 16: 13اور کیا وہ اب بھی آپ پر دھیان دیتا ہے۔ بہتر ہے یہ سوچیں کہ کہیں ایسا تو نہیں ہوا کہ جب اُس نے آپ کو کوئی ایسی بات دکھائی جو آپ سننا نہیں چاہتے تھے تو آپ ہی نے اُس پر دھیان نہ دیا۔

وہ اب بھی موجود ہے. اور ہاں. وہ اب بھی آپ کو دیکھتا اور محبت کرتا ہے. آج اسے یہ دکھائیں کہ آپ بھی اس سے محبت کرتے ہیں. اس کی اُس نرم آواز کو سن کر جو آپ کے دل میں بولتی ہے. اور پھر اُس آزادی میں داخل ہوں جو وہ آج آپ کو دینا چاہتا ہے.

آپ ایک معجزہ ہیں.

ڈیبورا