خُدا کا مقصد شاندار ہے۔

ہم اپنے اُس ہفتے کے آخر تک پہنچ گئے ہیں جس میں ہم نے اپنے دل میں یہ وعدہ مضبوط کیا کہ سب چیزیں مل کر ہماری بھلائی کے لیے کام کرتی ہیں۔ میری دعا ہے کہ ان سات دنوں کے دوران آپ کا دل باپ کی محبت میں مضبوط ہوا ہو۔

خُدا کا آپ کی زندگی کے لیے ایک مقصد ہے۔ اُس کا ایک ہدف ہے۔ یہ جاننا بہت ضروری ہے کہ وہ آپ کی زندگی کے ذریعے کیا کرنا چاہتا ہے۔

رُومِیوں 8: 28 میں  اور ہم کو معلُوم ہے کہ سب چِیزیں مِل کر خُدا سے مُحبّت رکھنے والوں کے لِئے بھلائی پَیدا کرتی ہیں یعنی اُن کے لِئے جو خُدا کے اِرادہ کے مُوافِق بُلائے گئے۔ 

یہ جاننا نہایت معنی خیز ہے کہ یونانی زبان میں مقصد کے لیے جو لفظ استعمال ہوا ہے وہ پروتھیسس ہے۔ یہی لفظ اُس وقت بھی استعمال ہوا ہے جب بائبل میں نذر  کی روٹی کا ذکر آتا ہے جو خُداوند کے حضور مقدس جگہ میں رکھی جاتی تھی۔ یہ روٹیاں اسرائیل کے بارہ قبیلوں کی علامت تھیں جو خُدا کے چہرے کے سامنے اُس کی حضوری میں کھڑی رہتی تھیں تاکہ یادگار بنی رہیں کہ خُدا اپنی قوم کو ہمیشہ اپنے حضور رکھتا ہے۔

آج یسوع کی قربانی کے وسیلہ سے جو آسمان سے اُتری ہوئی زندہ روٹی ہے خُدا آپ کو اپنے حضور آگے بڑھاتا ہے یسوع آپ پر خُدا کا فضل اور برکت نازل کرتا ہے وہ آپ کی ترقی کامیابی اور برکت کو باپ کے حضور پیش کرتا ہے جیسے وہ روٹیاں اسرائیل کے قبیلوں کے لیے پیش کی جاتی تھیں وہ روٹیاں خُدا کی اپنی قوم پر برکت کی علامت تھیں

یقین رکھیں کہ آپ کو اُس کے مقصد کے مطابق بُلایا گیا ہے اُس کے ابدی مقصد کے مطابق مگر ساتھ ہی اُس کے زمینی مقصد کے مطابق بھی جو یہ ہے کہ وہ آپ کی رہنمائی کرے آپ کو تسلی دےآپ کو سنبھالے اور آپ کی زندگی کو اپنے استعمال میں لائے

'اُس ازلی اِرادہ کے مُطابِق جو اُس نے ہمارے خُداوند مسِیح یِسُوعؔ میں کِیا تھا۔ جِس میں ہم کو اُس پر اِیمان رکھنے کے سبب سے دِلیری ہے اور بھروسے کے ساتھ رسائی۔ 'افسیوں 3: 11-12

خُدا کا آپ کے لیے منصوبہ بھلا ہے۔ ایک کاریگر کی مانند اُس نے آپ کی تقدیر کا نقشہ پہلے ہی تیار کر رکھا ہے اور اُس کا کام بے مثال ہے۔

آپ ایک معجزہ ہیں

 ایرک