آپ کی موجودگی کا شکریہ !

جب میں نے شکرگزاری کے اظہار کے مختلف طریقوں پر غور کیا تو میں اس نتیجے پر پہنچا کہ اپنے روزانہ کے حوصلہ افزا میسج "آج کا معجزہ" کو ہمیشہ اس جملے کے ساتھ ختم کروں۔ آپ کی موجودگی کا شکریہ۔ میں پورے یقین کے ساتھ مانتا ہوں کہ حوصلہ افزائی بہت قیمتی ہے۔ خاص طور پر اس دَور میں جب ہم ایک ایسے معاشرے میں رہتے ہیں جہاں لوگوں کی کمزوریوں کو زیادہ نمایاں کیا جاتا ہے اور خوبیوں کو نظرانداز کر دیا جاتا ہے۔ اسی لیے آج میں آپ سے کہنا چاہتا ہوں۔ شاباش۔ شاباش آپ کی ہر کوشش کے لیے۔ شاباش آپ کے وجود کے لیے۔ اور شاباش اس سفر کے لیے جس پر آپ مسیح میں آگے بڑھ رہے ہیں۔ آپ کے ہونے کا شکریہ۔

اعمال کی کتا ب میں ہم دیکھتے ہیں کہ شاگردوں نے حوصلہ افزائی کے ذریعے ایک دوسرے کی خدمت کی اور ایمان میں مضبوط کیا۔ جیسا کہ لکھا ہےاعمال 15: 31-32'وہ پڑھ کر اُس کے تسلّی بخش مضمُون سے خُوش ہُوئے۔ اور یہُوداؔہ اور سِیلاؔس نے جو خُود بھی نبی تھے بھائِیوں کو بُہت سی نصِیحت کر کے مضبُوط کر دِیا۔

آج آپ کس کو یہ کہہ سکتے ہیں کہ آپ کی موجودگی کا شکریہ میرے دوست۔ یاد رکھیں ہم سب مل کر اپنے ملکوں کے سوچنے کے انداز کو بدلنے کی قوت رکھتے ہیں۔ ہم دنیا میں ایک نئی ثقافت کو جنم دینے کی قوت رکھتے ہیں۔ وہ ثقافت جو خدا کی بادشاہی کی ہے۔ جہاں سب کچھ ممکن ہے۔ جہاں ہر انسان سے محبت کی جاتی ہے اور اُس کی قدر کی جاتی ہے۔

آج آپ کس کو حوصلہ دے سکتے ہیں۔ آپ کس سے کہہ سکتے ہیں کہ آپ کی موجودگی کا شکریہ

آپ ایک معجزہ ہیں

ایرک