گناہ کا بوجھ؟

کیا یہ باتیں آپ کو جانی پہچانی لگتی ہیں کیا آپ خود کو اکثر یہ کہتے یا سوچتے ہوئے پاتے ہیں

• آج میں نے خدا کے ساتھ کافی وقت نہیں گزارا• مجھے مزید بائبل پڑھنی چاہیے تھی• میں چاہتاہوں کہ خدا کے لیے اور کچھ کروں

خداوند آپ سے کچھ لینا نہیں چاہتا وہ آپ سے زیادہ نیک کام زیادہ دعائیں یا کچھ اور نہیں مانگ رہا یقیناً یہ سب چیزیں آپ کو اُس کے قریب لانے میں مدد دیتی ہیں اور آپ اُسے بہتر طور پر جان سکتے ہیں لیکن اصل میں وہ آپ کو چاہتا ہے لیکن ان سب کاموں سے بڑھ کر خدا آپ کو چاہتا ہے  آپ کی پوری ذات کو مصنف سی ایس لیوس نے کہا تھا

 خدا  ہم سے کچھ نہیں چاہتا وہ صرف ہمیں چاہتا ہے 

اگر آپ صرف کاموں پر زور دیں گے تو جلد ہی گناہ کا بوجھ آپ پر چھا جائے گا لیکن خدا آپ کو ملامت نہیں کرنا چاہتا وہ آپ کو آزاد کرنا چاہتا ہے وہ آپ کو یہ احساس نہیں دلانا چاہتا کہ آپ بہت کچھ نہیں کر رہے کیوں؟ کیونکہ وہ سب سے بڑھ کر آپ کا دل چاہتا ہے وہ آپ کے ساتھ گہرے اور سچے تعلق میں آنا چاہتا ہے نہ کہ صرف ظاہری یا رسمی رشتے میں 'اَے میرے بیٹے! اپنا دِل مُجھ کو دے اور میری راہوں سے تیری آنکھیں خُوش ہوں۔ 'امثال 23: 26

آئیں ! ہم سب اپنے دلوں کو خدا کے لیے کھول کر مل کر  خدا کی عبادت کریں۔

آپ ایک معجزہ ہیں!

ایرک