گر آپ یسوع کی طرح سوچیں تو کیا ہو؟

 آئیے کھل کر بات کریں کیا آپ کبھی کبھار ایسا محسوس کرتے ہیں؟ کیا آپ کو شک یا بے یقینی نہیں ہوتی؟خدا دنیا میں اتنا دکھ اور تکلیف کیسے ہونے دیتا ہے اور شاید آپ کے آس پاس بھی؟ ہم اکثر یہ بھول جاتے ہیں کہ ہمیں آسان زندگی کا وعدہ نہیں ملا بلکہ یسوع نے فرمایا 'یُوحنّا 16: 33مَیں نے تُم سے یہ باتیں اِس لِئے کہِیں کہ تُم مُجھ میں اِطمِینان پاؤ۔ دُنیا میں مُصِیبت اُٹھاتے ہو لیکن خاطِر جمع رکھّو مَیں دُنیا پر غالِب آیا ہُوں۔

اگر آپ کی صورتحال خدا کی نظر میں معمول کے مطابق اور اس کے منصوبے کے عین مطابق ہے تو کیا یہ ممکن نہیں کہ آپ کے خواب کے راستے میں حائل رکاوٹ شاید آپ خود ہوں آپ کا شک اور آپ کا عدم یقین آخر کار کیا آپ مایوس ہو چکے ہیں

جب خدا نے جدعون کو اسرائیل کو بچانے کا حکم دیا تو جدعون نے اپنی کمیوں کو دیکھا لیکن خدا نے اُن تمام خوبیوں کو دیکھا جو اُس نے پہلے ہی اُس کے اندر ڈال دی تھیں۔قضاة 6: 14 'تب خُداوند نے اُس پر نِگاہ کی اور کہا کہ تُو اپنے اِسی زور میں جا اور بنی اِسرائیل کو مِدیانیوں کے ہاتھ سے چُھڑا۔ کیا مَیں نے تُجھے نہیں بھیجا؟ '

جب آپ اپنے خواب کے بارے میں سوچتے ہیں تو دل میں آتا ہے میں اس کے لیے بہت جوان ہوں یا بہت بوڑھا ہوں۔ میرے پاس اس خواب کو پورا کرنے کے لیے پیسے نہیں ہیں۔ میرے پاس کوئی مدد یا سپورٹ نہیں ہے۔آپ مزید شک میں نہیں رہ سکتے۔ اب وقت ہے کہ خود کو تیار کریں۔'خُداوند نے اُس سے کہا مَیں ضرُور تیرے ساتھ ہُوں گا اور تُو مِدیانیوں کو اَیسا مار لے گا جَیسے ایک آدمی کو۔ 'قضاة 6: 16

میری زندگی میں بہت سے چھوٹے خواب رہے ہیں اور ماضی میں میں نے ہر خواب کے لیے اسی اعتماد کے ساتھ قدم بڑھایا بغیر یہ دیکھے کہ حل کب اور کیسے ملے گا۔چاہے وہ ورشپ کالج ہو جہاں میں بغیر پیسوں کے گئی یا آج جب میں ہر نیا گیت ریکارڈ کرتی ہوں تو ہمیشہ یہ یقین رکھ کر شروع کرتی ہوں کہ خدا میرے ساتھ ہے چاہے میرے پاس پورے وسائل نہ ہوں یہ میرا خواب تھا اور میں ہمیشہ خدا کے کلام پر بھروسہ کرتی ہوں کہ وہ کہتا ہے میں تمہاری مدد کروں گا اور ہر بار میں یہ تجربہ کرتی ہوں کہ وہ اپنے وعدے کو پورا کرتا ہے۔

آج آپ کون سے شک کو  چھوڑ کر بس آگے بڑھنا چاہتے ہیں؟

آپ ایک معجزہ ہیں۔

ڈیبورا