آپ صلح اور بحالی کا وسیلہ بن سکتے ہیں۔
آج ہم صلح کی طرف بڑھنے کی ایک اور کنجی کو اکٹھے دریافت کریں گے۔کبھی کبھی آپ خود جھگڑے میں نہیں ہوتے بلکہ دوسروں کو صلح کروانے کی کوشش کرتے ہیں۔ اگر ایسا ہے تو خدا آپ کی مدد کرے گا۔ آپ صلح کے لئے ایک مددگار بن سکتے ہیں اور اچھے مشیر بن سکتے ہیں۔
ایک دن ایک اُستاد نے اپنے طالبعلموں سے کہا کہ وہ اپنے سب سے خوفناک گناہ اور دل کے سب سے گہرے راز کو کاغذ پر لکھیں۔ مگر تفصیل میں جانے سے پہلے ہی اُس نے اُنہیں روک دیا اور ایک سوال کیا۔ اگر تمہیں یہ راز کسی کو بتانا پڑے تو آپ کس کو چننا چاہو گے اُس شخص میں کون سی خصوصیات ہوں گی؟
طالبعلموں نے یہ خصوصیات بیان کیں۔
• مہربانی• راز کو راز رکھنے کی صلاحیت• محبت• ہمدردی
آپ صلح کا ذریعہ بن سکتے ہیں۔
آپ کو ڈرنے کی کوئی ضرورت نہیں۔ اختلافات ہوتے ہیں مگر ان کا ہمیشہ رہنا ضروری نہیں کیونکہ خدا نے ہمیں وہ سب کنجیاں دے دی ہیں جو ان مسائل کو ہماری زندگیوں پر غالب آنے سے روک سکتی ہیں۔ اگر آپ اُسے موقع دیں تو اُس کی محبت آپ کے ساتھ آخر تک چلے گی اور اُس کی روح آپ کو صحیح رویہ اپنانے میں مدد دے گی تاکہ اختلافات حل ہو سکیں۔
بائبل فرماتی ہے کہ 'مگر رُوح کا پھل مُحبّت۔ خُوشی۔ اِطمِینان۔ تحمُّل۔ مِہربانی۔ نیکی۔ اِیمان داری۔ حِلم۔ پرہیزگاری ہے۔ اَیسے کاموں کی کوئی شرِیعت مُخالِف نہیں۔ ''گلتیوں 5 :22-23
آیئے میرے ساتھ دعا کریںخداوند میں یہ چاہتا ہوں کہ میں صلح کروانے والا بنوں ایسا شخص جو دل سے مصالحت کے لیے تیار ہو جب مجھے ایسے حالات کا سامنا ہو تو میری زبان اور میرا رویہ تیرے تابع ہو مجھے اپنی حکمت دے اپنی محبت دے اور وہ فہم دے جو قدرتی نہیں بلکہ تیری طرف سے ہو یسوع کے نام میں آمین
آپ ایک معجزہ ہیں!
ایرک
