خوف کو اپنی زندگی پر حاوی نہ ہونے دیں.

آئیے آج اور آئندہ چند دنوں تک ہم خوف کے بارے میں بات کریں۔ خوف ایک بُرا مشیر ہے۔ یہ ہمیں مفلوج کر دیتا ہے، ہماری سوچ کو بگاڑ دیتا ہے اور اکثر حقیقت سے دور کر دیتا ہے۔ لیکن خُدا چاہتا ہے کہ آپ اپنے تمام خوف پر غالب آئیں یسوع نے فرمایا خوف نہ کرو.

خوف اصل میں ہے کیا؟ اسے یوں بیان کیا جا سکتا ہے ایک ایسا احساس جو کسی حقیقی یا خیالی خطرے کی موجودگی یا اس کے خیال سے پیدا ہوتا ہے۔جب خوف آپ کی زندگی پر غالب آ جائے تو کیا ہوتا ہے۔

جب خوف اندیشہ یا گھبراہٹ اتنی شدید ہو جائے کہ وہ آپ کو معمول کے مطابق زندگی گزارنے سے روک دے تو اس کے کچھ نتائج ہوتے ہیں۔ یہاں تین اثرات دیے گئے ہیں: خوف مفلوج کر دیتا ہے۔ • خوف شک کو بڑھاتا ہے۔ خوف آپ کے اندر خدا کے منصوبوں کو ختم کر دیتا ہے۔ خوف دراصل دشمن کا ایک بنیادی ہتھیار ہے جسے وہ آپ کی مسیحی زندگی میں رکاوٹ ڈالنے اور آپ کو دبانے کے لیے استعمال کرتا ہے۔ لیکن یسوع نے اس دشمن کو شکست دی ہے! دیکھیں (کلسیوں 2 :15) اُس نے حُکُومتوں اور اِختیاروں کو اپنے اُوپر سے اُتار کر اُن کا برملا تماشا بنایا اور صلِیب کے سبب سے اُن پر فتح یابی کا شادِیانہ بجایا۔ بائبل کہتی ہے (2-تیمتھیس 1 :7)کہ کیونکہ خُدا نے ہمیں دہشت کی رُوح نہیں بلکہ قُدرت اور مُحبّت اور تربِیّت کی رُوح دی ہے۔

یہ قدرت ،محبت، اور تربِیّت کی روح خدا نے آپ کو دی ہے۔ یہ خدا کی طرف سے ہے! یقین اُس پر ہے جو زندہ ہے اور فتح مند جلال میں واپس آئے گا. بے شک خدا کی کامل محبت آپ کے دل سے خوف کو شکست دیتی ہے اور اسے ختم کر دیتی ہے۔ آپ کے لئے اس کی محبت ہر قسم کے خوف کو مٹاتی ہے۔ کھڑے ہو کر اس ابدی سچائی کا اقرار کریں جو(1-یوحنا 4: 18)میں ملتی ہے: محبت میں خَوف نہیں ہوتا بلکہ کامِل مُحبّت خَوف کو دُور کر دیتی ہے کیونکہ خَوف سے عذاب ہوتا ہے اور کوئی خَوف کرنے والا مُحبّت میں کامِل نہیں ہُؤا۔

آج اسے قبول کریں خدا کا کلام آپ کے ایمان کو مضبوط کرتا ہے۔ روح القدس آپ کو چیلنج کرتا ہے اور سہارا دیتا ہے۔ 'وہ آپ کو دیواروں سے پھاندتے ہیں اور پہاڑوں کو ڈھانے کی قوت دیتا ہے۔ اس کی قدرت سے آپ عظیم کارنامے انجام دیں گے۔ کیونکہ تیری بدَولت مَیں فَوج پر دھاوا کرتا ہُوں اور اپنے خُدا کی بدَولت دِیوار پھاند جاتا ہُوں۔(زبور 18: 29)کیونکہ تیری بدَولت مَیں فَوج پر دھاوا کرتا ہُوں اور اپنے خُدا کی بدَولت دِیوار پھاند جاتا ہُوں۔ '2 سموئیل 22 :30

آئیے مل کر دعا کرتے ہیں اے خداوند میں منہ سے اقرار کرتا ہوں کہ تو ہی میرا خداوند اور میرا نجات دہندہ ہے۔ میں اقرار کرتا ہوں کہ تیرا کلام سچا ہے، مجھے قُدرت اور مُحبّت اور تربِیّت کی رُوح دی ہے۔ میں یہ روح تجھ سے قبول کرتا ہوں۔ میں اعلان کرتا ہوں کہ خوف یا دہشت اور جو کچھ بھی میرے دل میں خوف لے آیا ہے وہ اب تیری قدرت سے محروم اور بے اثر ہو گیا ہے کیونکہ میں اپنی پوری زندگی اپنے جذبات، اپنے حالات، سب کچھ تیرے سپرد کرتا ہوں! میں تیرے نام کو جلال دیتا ہوں اور تیرا شکریہ ادا کرتا ہوں کہ تو نے مجھے یہ رہائی دی ہے کہ میں اس خوف اور دہشت پر قابو پا سکوں! یسوع کے نام پر آمین!

آپ ایک معجزہ ہیں۔

ایرک