🎁خدا مفت اچّھی بخشِش اور کامِل اِنعام دیتاہے

اکثر ہم تحفے صرف خاص موقعوں پر دیتے یا لیتے ہیں مثال کے طور پر ہم عام طور پر یوم آزادی یا شکر گذاری کے دن پر تحفے نہیں دیتے۔ لیکن کرسمس ویلینٹائن ڈے اور سالگرہ پر ضرور دیتے ہیں کیا آپ جانتے ہیں میں کیا سوچتا ہوں میں سمجھتا ہوں کہ خدا ہمارے لیے تحفہ دینے کے لیے کسی خاص موقع کا انتظار نہیں کرتا۔ میرا یقین ہے کہ خدا محبت کی بنیاد پر دیتا ہے اور وہ ہمیشہ محبت کرتا ہے۔ کیونکہ بائبل کہتی ہے یعقوب 1: 17 میں کہ ہر اچّھی بخشِش اور ہر کامِل اِنعام اُوپر سے ہے اور نُوروں کے باپ کی طرف سے مِلتا ہے جِس میں نہ کوئی تبدِیلی ہو سکتی ہے اور نہ گردِش کے سبب سے اُس پر سایہ پڑتا ہے

اس شخص کے آسمانی باپ کے پاس بہت سی اچھی نعمتیں ہیں بلکہ یوں کہیں کہ اُس نے سب سے بہترین چیزیں خاص طور پر اُس کے لیے سنبھال کر رکھی ہیں جو کچھ خدا اُسے دینا چاہتا ہے اُس جیسا کوئی اور دے ہی نہیں سکتا۔ خدا کا سکون، اُس کی شادمانی، اُس کی زندگی، اُس کی آزادی۔ وہ قابلیت اور آزادی جو وہ اُس کو دیتا ہے تاکہ وہ اُس مقصد کو پورا کر سکے جو اُس نے اُس کے سپرد کیا ہے۔ وہ قوت جو اُس کو اس قابل بناتی ہے کہ وہ دنیا میں نور بنے رہیں، چاہے حالات کتنے ہی مشکل کیوں نہ ہوں۔

اور سب سے بڑھ کر خدا با پ نے اپنے بیٹے یسوع کو دے دیا جو اُس کی محبت کا سب سے عظیم اور قیمتی تحفہ ہے یوحنا 3 :16 میں لکھا ہے کیونکہ خُدا نے دُنیا سے اَیسی مُحبّت رکھّی کہ اُس نے اپنا اِکلَوتا بیٹا بخش دِیا تاکہ جو کوئی اُس پر اِیمان لائے ہلاک نہ ہو بلکہ ہمیشہ کی زِندگی پائے

جس طرح خُداوند نے اُس کو اپنی بہترین نعمتیں عطا کی ہیں اُسی طرح وہ بھی اُس کی محبت کے وسیلے دوسروں تک پہنچ سکتا ہے اور اُنہیں دے سکتا ہے۔ خدا نے اُس کو برکت دی ہے تاکہ وہ دوسروں کے لیے برکت بنے۔ دوسروں کو دینے میں ایک خاص آزادی اور شادمانی ہے وہ شادمانی جو ہمیں تب ملتی ہے جب ہم اپنے آسمانی باپ کی طرح دینے والے بنتے ہیں۔

جیسا کہ بائبل ہمیں اعمال 20: 35 بتاتی ہے کہ مَیں نے تُم کو سب باتیں کر کے دِکھا دِیں کہ اِس طرح مِحنت کر کے کمزوروں کو سنبھالنا اور خُداوند یِسُوعؔ کی باتیں یاد رکھنا چاہئے کہ اُس نے خُود کہا دینا لینے سے مُبارک ہے۔ کیا آپ میرے ساتھ دعا کریں گے؟ اے خداوند شکریہ کہ تُو نے مجھے سب سے بہترین تحفے دیے ہیں۔ اپنے بیٹے کو اپنی محبت کی وجہ سے بھیجنے کے لیے تیرا بہت شکریہ میں تیرے امن شادمانی قوت اور زندگی کے لیے شکر گزار ہوں۔ میری مدد کر تاکہ میں آج تیرے جیسا بن سکوں۔ میں چاہتا ہوں کہ میں اس دنیا کو فراغ دلی سے دوں جس سے تُو بہت محبت کرتا ہے۔ دینے کی خوشی اور آزادی کے لیے بھی تیرا شکر ہے یہ سب کچھ تیرے نام پر آمین

تحفوں کی بات کرتے ہوئے کیا آج کا معجزہ اس شخص کی زندگی میں ایک نعمت ثابت ہوا ہے؟ بائبل میں لکھا ہے عبرانیوں 13: 15-16 پس ہم اُس کے وسِیلہ سے حمد کی قُربانی یعنی اُن ہونٹوں کا پَھل جو اُس کے نام کا اِقرار کرتے ہیں خُدا کے لِئے ہر وقت چڑھایا کریں اور بھلائی اور سخاوت کرنا نہ بُھولو اِس لِئے کہ خُدا اَیسی قُربانِیوں سے خُوش ہوتا ہے

ایرک