کیا آپ وہ جنگ لڑ رہے ہیں ؟جو پہلے ہی جیتی جا چکی ہے

ہیرو اونودا ایک جاپانی خفیہ فوجی افسر تھا۔ دسمبر 1944 میں اُسے فلپائن بھیجا گیا، جو اُس وقت جاپان کے قبضے میں تھا۔ لیکن 1945 میں امریکہ نے فلپائن واپس لے لیا۔ اونودا نے یہ ماننے سے انکار کر دیا کہ جنگ ختم ہو چکی ہے، اور وہ لڑتا رہا۔1959 میں جاپانی حکومت نے اُسے مردہ سمجھ کر قانونی طور پر مردہ قرار دے دیا۔ کئی سال بعد، ایک جاپانی طالب علم نے اُسے ڈھونڈ نکالا، مگر اونودا نے ہتھیار ڈالنے سے انکار کر دیا۔ وہ کہتا رہا کہ جب تک اُس کا کمانڈر خود آ کر اُسے حکم نہ دے وہ جنگ ختم نہیں مانے گا۔ آخرکار 1974 میں اُس کا سابقہ کمانڈر فلپائن کے لوبانگ جزیرے پر آیا اور اُسے جنگ کے ختم ہونے کا حکم دیا۔ یوں اونودا جنگل سے باہر آیا جب کہ جنگِ عظیم دوم ختم ہوئے 29 سال گزر چکے تھے۔

یہ واقعہ سن کر شاید ہمیں حیرت ہو، لیکن ہم بھی کئی بار ایسی جنگ لڑ رہے ہوتے ہیں جو یسوع میں پہلے ہی جیتی جا چکی ہے۔ اگرچہ ہم نجات کے بارے میں خُداوند پر بھروسہ رکھتے ہیں، پھر بھی زندگی کے کئی پہلو، بلکہ خاص طور پر مالی معاملات میں، ہم اُس پر مکمل ایمان نہیں رکھتے۔ دل کی گہرائی میں ہم خدا کے وعدے پر شک کرتے ہیں جس میں لکھا ہے میرا خُدا اپنی دَولت کے مُوافِق جلال سے مسِیح یِسُوع میں تُہماری ہر ایک اِحتیاج رَفع کرے گا۔ (فلپیوں4:19) یہاں تک کہ ہم اپنے دلوں میں لڑائی جاری رکھتے ہیں گویا کہ ہمیں خود اپنے ہمت پر سب کچھ سنبھالنا ہے۔

لیکن آج میں آپ کو دعوت دیتا ہوں کہ خُدا کے کلام پر بھروسہ کریں۔ کیونکہ وہ انسان نہیں کہ جھوٹ بولے۔ جیسا کہ کلام کہتا ہے:'پس اگر بیٹا تُمیں آزاد کرے گا تو تُم واقِعی آزاد ہو گے۔ '(یوحنا 8:36) یسوع نے صلیب پر اپنی جان دی تاکہ ہر قسم کی غلامی کے جوئے کو توڑے۔ دوسرے الفاظ میں خدا نے ہماری مالی آزادی کے لیے جان دی.

آج ہمت رکھیں، کیونکہ خُدا کسی کا طرفدار نہیں۔ وہ آپ کی بھی ضروریات پوری کرے گا! اُس کے کلام اور وعدوں کو مضبوطی سے تھامے رکھیں۔ جب آپ ایمان کے ساتھ اُس کی بادشاہی کو پہلے تلاش کریں گے، تو خُدا آپ کی ہر ضرورت کو پورا کرے گا.

کیا آپ کو خُدا کی دی گئی آزادی شاندار محسوس نہیں ہوتی؟ وہ ہمیشہ ہمارے لیے راہ بناتا ہے! میں "ـ آج کا معجزہ " اس لیے لکھتا ہوں تاکہ آپ کا ایمان مضبوط ہو۔ تاکہ دُنیا یسوع کو پہچانے۔ کیا آپ اس خدمت میں میرے ساتھ شامل ہونا چاہیں گے؟ ایک تبدیلی لانے والے ساتھی بنیں! مجھے یقین ہے کہ ہم مل کر لاکھوں زندگیوں تک پہنچ سکتے ہیں، اور خُدا کے فضل سے اُنہیں تبدیل کر سکتے ہیں۔

ایرک